മിഗും , റഫേലും അതിർത്തിയിൽ എത്തിയതോടെ പരിഭ്രാന്തിയിലായി ചൈന . പോർവിമാനങ്ങൾ അതിർത്തിപ്രദേശങ്ങളിൽ ഇന്ത്യ വിന്യസിച്ചതോടെ ചൈനയും പോർവിമാനങ്ങളുടെ എണ്ണം വർധിപ്പിച്ചു.എല്ലാ നിലയ്ക്കും നിയന്ത്രണങ്ങളും പ്രതിരോധവും ശക്തമാക്കിയിരിക്കുകയാണ് ഇന്ത്യ.
പുതുതായി എത്തിച്ചേർന്ന അഞ്ച് ഫ്രഞ്ച് നിർമിത റഫാൽ ഫൈറ്ററുകളും കുറച്ച് മിഗ് -29 കെ പോര്വിമാനങ്ങളും അതിർത്തി പ്രദേശത്ത് വിന്യസിച്ചിട്ടുണ്ട്. എല്ലാ ചൈനീസ് പോർവിമാനങ്ങളേക്കാളും മികച്ചതാണ് റഫേൽ എന്ന് അന്താരാഷ്ട്ര മാദ്ധ്യമങ്ങൾ റിപ്പോർട്ട് ചെയ്തിരുന്നു . ഒപ്പം ചൈനയിലെ തന്നെ പ്രതിരോധ വിദഗ്ധരും ഇക്കാര്യം വ്യക്തമാക്കിയിരുന്നു .
ഇതോടെ ലഡാക്കിൽ കൂടുതൽ വ്യോമസേനാ വിമാനങ്ങൾ ചൈനയും വിന്യസിച്ചു . ഇന്ത്യൻ പോർവിമാനങ്ങളിൽ നിന്ന് ചൈനീസ് കരസേനയെ സംരക്ഷിക്കുന്നതിനാണ് ചൈനീസ് വ്യോമശക്തി കൂട്ടുന്നത് . ഇതിനായി വ്യോമ മേധാവിത്വം നേടുന്നതിനും അതോടൊപ്പം രഹസ്യാന്വേഷണ ദൗത്യങ്ങൾ നടത്തുന്നതിനും ഇന്ത്യൻ ചാരവിമാനങ്ങൾ തടയുന്നതിനുമാണെന്നാണ് കരുതുന്നത്.
സിൻജിയാങ് മേഖലയിലെ ഹോതാൻ വ്യോമതാവളത്തിൽ, വടക്കുകിഴക്കൻ ഇന്ത്യൻ പ്രദേശമായ ലഡാക്കിനടുത്ത് ചൈന 36 പോർവിമാനങ്ങളും ഹെലികോപ്റ്ററുകളും വിന്യസിച്ചിട്ടുണ്ടെന്നാണ്.
24 ജെ -11 അല്ലെങ്കിൽ ജെ -16 ഫ്ലാങ്കർ ഫൈറ്ററുകൾ, ഇതിൽ ആറ് പഴയ ജെ -8 യുദ്ധവിമാനങ്ങൾ, രണ്ട് വൈ -8 ജി ട്രാൻസ്പോർട്ടുകൾ, രണ്ട് കെജെ -500, രണ്ട് മി -17 ഹെലികോപ്റ്ററുകൾ, നിരവധി സിഎച്ച് -4 സ്ട്രൈക്ക് / നിരീക്ഷണ ഡ്രോണുകൾ എന്നിവ ഇപ്പോൾ വിന്യസിച്ചിട്ടുണ്ട്.
.
