നാരങ്ങ , കുരുമുളക് , ഉപ്പ് എന്നിവ ഭക്ഷണത്തിന് സ്വാദും സുഗന്ധവും നൽകുന്ന വസ്തുക്കളാണ് . നാരങ്ങയും കുരുമുളകും കാലാകാലങ്ങളായി ചികിത്സക്ക് ഉപയോഗിക്കുന്നവയും , ശരീരത്തിന്റെ സ്വാഭാവിക പ്രവർത്തനങ്ങൾക്ക് ഉപ്പ് ഒഴിച്ച് കൂടാനാവാത്ത ഒന്നുമാണ് . അതിനാൽ തന്നെ ഇവ മൂന്നും സമ്മിശ്രിതമായി ഉപയോഗിക്കുന്നത് പല രോഗങ്ങൾക്കുമുള്ള പരിഹാരമാണ് .
ഒരു ടേബിൾസ്പൂൺ നാരങ്ങാനീരും , അര ടേബിൾസ്പൂൺ കുരുമുളക് പൊടിയും , ഒരു ടേബിൾസ്പൂൺ ഉപ്പും ചേർത്ത ചെറു ചൂട് വെള്ളം കവിൾ കൊള്ളുന്നത് തൊണ്ടവേദന ശമിപ്പിക്കുവാൻ നല്ലതാണ് .
ഒരു ടേബിൾ സ്പൂൺ നാരങ്ങ നീരും ഒരു ടീസ്പൂൺ കുരുമുളകും ചെറുചൂടുള്ള വെള്ളത്തിൽ കലർത്തി കുറച്ചു കുറച്ചായി കുടിക്കുന്നത് വയറു വേദന ശമിപ്പിക്കും .
ഒരു ടീസ്പൂൺ നാരങ്ങാനീര് , ഒരു നുള്ള് കുരുമുളക് പൊടി , ഒരു നുള്ള് ഉപ്പ് എന്നിവ ചേർത്ത് കഴിക്കുന്നത് ശരീര വേദനക്കും വീക്കത്തിനും നല്ലൊരു പ്രതിവിധിയാണ് .
നാരങ്ങാനീരിൽ , കുരുമുളക് , ഉപ്പ് എന്നിവയോടൊപ്പം അല്പം കറുവപ്പട്ട , ജീരകം , ഏലക്ക എന്നിവ പൊടിച്ചു ചേർത്തതിന് ശേഷം മണപ്പിക്കുകയാണെങ്കിൽ മൂക്കടപ്പ് മാറുകയും തുമ്മലിന് ശമനം ലഭിക്കുകയും ചെയ്യും .
കാൽ സ്പൂൺ കുരുമുളക് പൊടി , ഒരു സ്പൂൺ തേൻ , രണ്ടു സ്പൂൺ നാരങ്ങാ നീര് , സ്വല്പം ഉപ്പ് എന്നിവ ദിവസവും ചെറു ചൂടുവെള്ളത്തിൽ ചാലിച്ചു കുടിച്ചാൽ ശരീരഭാരം കുറക്കാൻ സാധിക്കും .
ഗ്രാമ്പൂ , കുരുമുളക് , ഉപ്പ് എന്നിവ പൊടിച്ചു നാരങ്ങാനീരിൽ ചാലിച്ചു വായിൽപുരട്ടുന്നത് വായ്പുണ്ണ് മാറാനും , പല്ലു വേദന മാറാനും ഉത്തമമാണ് .
കുരുമുളക് , ഗ്രാമ്പൂ , തുളസിയില എന്നിവ ചേർത്ത് വെള്ളം നന്നായി തിളപ്പിക്കുക . അതിനു ശേഷം മിശ്രിതം അരിച്ചെടുത്തു പൊടിച്ചു സൂക്ഷിക്കുക. അല്പം തേനും , നാരങ്ങാ നീരും , ഉപ്പും ചേർത്ത് ദിവസവും ഈ മിശ്രിതം കഴിക്കുന്നത് ശ്വാസതടസ്സം മൂലം ഉണ്ടാകുന്ന പ്രശ്നങ്ങൾക്ക് പരിഹാരമാണ് .
Comments