ഭക്ഷണം കഴിക്കാന് ഭൂരിഭാഗം കുട്ടികള്ക്കും മടിയാണ്. എന്തു ഭക്ഷണം കൊടുത്താലും വേണ്ട എന്നതാണ് മിക്ക കുട്ടികളുടേയും മറുപടി. എന്നാല് കുട്ടികള് സ്വാദോടെ ആസ്വദിച്ചു കഴിക്കുന്ന ഒരു വിഭവമാണ് വെജിറ്റബിള് ഫ്രൈഡ് റൈസ്. പേര് കേള്ക്കുമ്പോള് വലിയ വിഭവം ആണെന്ന് തോന്നുമെങ്കിലും പത്ത് മിനിറ്റ് കൊണ്ട് വീട്ടില് എളുപ്പത്തില് തയ്യാറാക്കുന്ന ഒരു സ്വാദിഷ്ടമായ വിഭവമാണിത്. കുട്ടികളുടെ ആരോഗ്യത്തിനും നല്ലതാണ്. ഇതിനായി ആദ്യം ബസുമതി അരി എടുത്ത് നന്നായി കഴുകി കുതിര്ത്തു വയ്ക്കുക.
ശേഷം മുക്കാല്ഭാഗം വേവിച്ച് ഊറ്റിയെടുത്ത് തണുക്കാനായി മാറ്റി വയ്ക്കുക. ബ്രെഡ് ചെറുതായി മുറിച്ച് പൊരിച്ചെടുത്ത് മാറ്റിവെക്കുക. ഒരു പാത്രത്തില് ഓയില് ഒഴിച്ച് അതിലേക്ക് വെളുത്തുള്ളി, ഇഞ്ചി, സ്പ്രിംഗ് ഒനിയന്, ക്യാരറ്റ, ക്യാബേജ്, ഗ്രീന്പീസ് , വലിയഉള്ളി, എന്നിവ ചേര്ത്ത് നന്നായി വഴറ്റിയെടുക്കുക.
ഇത് നന്നായി വേവിച്ച ശേഷം തണുക്കാനായി മാറ്റി വച്ചിരിക്കുന്ന ചോറു കൂടി ഇതിലേക്ക് ചേര്ത്ത് കൊടുക്കുക. ഇവ നന്നായി ഇളക്കി യോജിപ്പിച്ചശേഷം ചെറുതായി അരിഞ്ഞു വറുത്തുകോരി മാറ്റിവെച്ച ബ്രെഡ കഷണങ്ങള് കൂടെ ഇതിലേക്ക് ചേര്ത്ത് കൊടുക്കുക. അതിനു മുകളില് സോസും ടൊമാറ്റോ സോസും ഒഴിച്ചുകൊടുക്കുക ഒന്നുകൂടി ഇളക്കിയ ശേഷം അതിനുമുകളില് ഒരു സ്പൂണ് വിനാഗിരി ഒഴിച്ച് കൊടുക്കുക. തീ ഓഫ് ചെയ്ത് ശേഷം ഇളം ചൂടോടെ കുട്ടികള്ക്കു വിളമ്പുക. കുട്ടികളും മുതിര്ന്നവരും ഒരുപോലെ ഇഷ്ടപ്പെടുന്ന ഒരു വിഭവമാണ് വെജിറ്റബിള് ഫ്രൈഡ് റൈസ്. കേള്ക്കുമ്പോള് വലിയ ഗമയൊക്കെ തോന്നുമെങ്കിലും എളുപ്പത്തില് വീട്ടിലുള്ള സാധനങ്ങള് വച്ച് തയ്യാറാക്കുന്ന വിഭവമാണ്. ദിവസവും ഒരു പോലെയുള്ള ഭക്ഷണം കഴിച്ചു മടുത്ത കുട്ടികള്ക്ക് ഇത്തരത്തിലുള്ള ഭക്ഷണങ്ങള് ഏറെ പ്രിയങ്കരമായിരിക്കും.
Comments