ദുബായ്: ഇംഗ്ലണ്ട് പേസ് ബൗളര് ആന്ഡേഴ്സന് അഭിനന്ദനങ്ങളുമായി വിരാട് കോഹ്ലി. തന്റെ ക്രിക്കറ്റ് ജീവിതത്തില് നേരിട്ട ഏറ്റവും മികച്ച ബൗളര്മാരിലൊരാളാണ് ആന്ഡേഴ്സ ണെന്നാണ് വിരാട് കോഹ്ലിയുടെ സന്ദേശം. ആന്ഡേഴ്സണ് തന്റെ ക്രിക്കറ്റ് ജീവിതത്തിലെ 600-ാം വിക്കറ്റ് തികച്ചതിലുള്ള ആശംസയാണ് ഇന്ത്യന് നായകന് നേര്ന്നത്. പാകിസ്താനെതിരെ മൂന്നാം ടെസ്റ്റിലാണ് ആന്ഡേഴ്സണ് വിക്കറ്റ് വേട്ട നടത്തിയത്.
Congratulations @jimmy9 for this outstanding achievement of 600 wickets. Definitely one of the best bowlers I've faced.
— Virat Kohli (@imVkohli) August 25, 2020
‘ ആന്ഡേഴ്സന്റേത് ഏറ്റവും മികച്ച നേട്ടങ്ങളിലൊന്നാണ്. 600 വിക്കറ്റ് നേട്ടം സ്വന്തമാക്കി യതിന് എല്ലാവിധ ആശംസകളും നേരുന്നു. താന് നേരിട്ട ഏറ്റവും മികച്ച ബൗളര്മാരിലൊ രാളെന്നതില് ഒരു സംശയമില്ല.’ കോഹ്ലി ട്വിറ്റ് ചെയ്തു.
പേസ് ബൗളര്മാരില് 600 വിക്കറ്റുകള് തികയ്ക്കുന്ന ആദ്യ ബൗളറാണ് ജെയിംസ് ആന്ഡേഴ്സണ്. എല്ലാ വിഭാഗത്തിലുമായി 600 വിക്കറ്റുകള് തികയ്ക്കുന്ന നാലാമത്തെ ബൗളറുമായി ഇന്നലെ മാറി. ബൗളര്മാരില് ഏറ്റവും അധികം വിക്കറ്റുനേട്ടം ശ്രീലങ്കയുടെ മുത്തയ്യ മുരളീധരന്റെ പേരിലാണ്. 800 വിക്കറ്റുകള് നേടിയാണ് മുരളീധരന് കളം വിട്ടത്. പുറകില് 708 വിക്കറ്റ് നേട്ടവുമായി ഓസ്ട്രേലിയയുടെ ഷെയ്ന് വോണും മൂന്നാം സ്ഥാനത്ത് 619 വിക്കറ്റുകളുമായി ഇന്ത്യയുടെ അനില്കുംബ്ലേയുമാണ്.
Comments