യു.എസ്.ഓപ്പണ്‍ : സുമിത് പുറത്ത്

ന്യൂയോര്‍ക്ക്: ഏഴു വര്‍ഷത്തിന് ശേഷം ഇന്ത്യ നടത്തിയ മുന്നേറ്റം യു.എസ്.ഓപ്പണ്‍ ടെന്നീസ് വേദിയില്‍ അവസാനിച്ചു. രണ്ടാം റൗണ്ടില്‍ കടന്ന ഇന്ത്യന്‍ പുരുഷ താരം സുമിത് നാഗലാണ് പരാജയപ്പെട്ടത്. ലോക മൂന്നാം നമ്പറായ ഓസ്ട്രിയന്‍ താരം ഡോമിനിക് തീമിനോട് നേരിട്ടുള്ള സെറ്റുകള്‍ക്കാണ് സുമിത് തോറ്റത്. തന്റെ അന്താരാഷ്‌ട്ര മികവുകളെല്ലാം പുറത്തെടുത്ത തീം 6-3, 6-3, 6-2നാണ് സുമിതിനെ തോല്‍പ്പിച്ചത്.

Qualifies into the main draw last year. Makes it to Round 2 this year.

Sumit Nagal always leaves it all on the court.@NagalSumit I #USOpen pic.twitter.com/uyk054v3zl

— US Open Tennis (@usopen) September 3, 2020

ആദ്യമത്സരത്തിലേതുപോലെ പലവട്ടം തിരിച്ചുവരും വിധം പോരാടിയ സുമിതിന് പക്ഷെ നിര്‍ണ്ണായക ഗെയിമുകള്‍ നേടാനായില്ല. ആദ്യ സെറ്റിലെ തുടക്കത്തില്‍ 3-0ന് മുന്നിലെത്തിയ തീമിനെതിരെ 3-3ന്റെ ശക്തമായ തിരിച്ചുവരവാണ് സുമിത് നടത്തിയത്. മികച്ച ആത്മവിശ്വാസം പ്രകടിപ്പിച്ചുകൊണ്ടാണ് സുമിത് കളിയിലുടനീളം മുന്നേറിയത്.

ഇന്ത്യന്‍ താരത്തെ അത്യന്തം അപകടകാരിയെന്നാണ് ലോക മൂന്നാം നമ്പര്‍ വിശേഷിപ്പിച്ചത്. സുമിതിന്റെ ഫോര്‍ഹാന്റ് ഷോട്ടുകള്‍ അതിശക്തമായിരുന്നു. പലതവണ പ്രതിരോധിക്കാന്‍ തനിക്ക് അതിവേഗം കയറി കയറിക്കളിക്കേണ്ടതായി വന്നു. സുമിത് നിരവധി വെല്ലുവിളി നിറഞ്ഞ സന്ദര്‍ഭങ്ങളാണ് ഉണ്ടാക്കിയതെന്നും തീം ട്വിറ്ററിലൂടെ പറഞ്ഞു. 2014ലെ യു.എസ്.ഓപ്പണ്‍ ചാമ്പ്യന്‍ ക്രൊയേഷ്യയുടെ മാറിന്‍ സിലിച്ചിനൊണ് തീം മൂന്നാം റൗണ്ടില്‍ നേരിടുക.