സ്ഥിരമായി നിരവധി ആളുകളെ ബുദ്ധിമുട്ടിക്കുന്ന ഒരു പൊതു ആരോഗ്യ പ്രശ്നമാണ് തലവേദന.ഉറക്കമില്ലാത്ത രാത്രികൾ, പ്രഭാതഭക്ഷണം ഒഴിവാക്കൽ , ജോലി സമ്മർദ്ദം അല്ലെങ്കിൽ സമ്മർദ്ദകരമായ ദിവസങ്ങൾ, ഇവയെല്ലാം തലവേദന സൃഷ്ടിക്കുകയും നിങ്ങളുടെ ദിനചര്യയെ തന്നെ പ്രതികൂലമായി ബാധിക്കുകയും ചെയ്യും .
തലവേദന ഉണ്ടാവുമ്പോൾ നാമെല്ലാം സാധാരണയായി ചെയ്യുന്നത് വേദനസംഹാരി കഴിക്കുക എന്നതാണ് . എന്നാൽ സ്ഥിരമായിട്ടുള്ള വേദന സംഹാരിയുടെ ഉപയോഗം ഭാവിയിൽ ആരോഗ്യത്തിന് ദോഷകരമായി വന്നേക്കാം . അതിനാൽ തന്നെ വേദന സംഹാരിയുടെ ഉപയോഗം കുറച്ചു കൊണ്ട് ആഹാരക്രമത്തിൽ ചില ഭക്ഷണങ്ങൾ ഉൾപ്പെടുത്തുന്നത് തലവേദനക്ക് ശമനം നൽകിയേക്കാം .
1 . വീറ്റ് ഗ്രൈൻ ടോസ്സ്റ്
കുറഞ്ഞ കാർബോഹൈഡ്രേറ്റ് അടങ്ങിയ ഭക്ഷണം കഴിക്കുന്നത് ചില സമയത്ത് തലവേദനയ്ക്ക് കാരണമായേക്കാം . കുറഞ്ഞ കാർബോഹൈഡ്രേറ്റ് അടങ്ങുന്ന ഭക്ഷണക്രമം പിന്തുടരുന്ന ആളുകളിലാണ് ഇത് കൂടുതലും സംഭവിക്കുന്നത്. കുറഞ്ഞ കാർബോഹൈഡ്രേറ്റ് അടങ്ങിയ ഭക്ഷണം കഴിക്കുന്നത് ശരീരത്തിലെ ഗ്ലൈക്കോജന്റെ അംശം കുറക്കുകയും തലവേദനയ്ക്ക് കാരണമാകുകയും ചെയ്യുന്നു .ഇത്തരത്തിൽ ഉള്ള സന്ദർഭങ്ങളിൽ കാർബോഹൈഡ്രേറ്റ് ധാരാളമുള്ള ഭക്ഷണമായ വീറ്റ് ഗ്രൈൻ ടോസ്സ്റ് എന്നിവ കഴിക്കുന്നത് തലവേദനയ്ക്ക് ശമനം ഉണ്ടാക്കാൻ സഹായിക്കും .
2 . ഇഞ്ചി
ആരോഗ്യപരമായ പല അവസ്ഥകളിൽ നിന്നും ആശ്വാസം നൽകുന്നതിന് ഫലപ്രദമായ ഒരു ഔഷധമാണ് ഇഞ്ചി. തലവേദനക്ക് കാരണമാകുന്ന പ്രോസ്റ്റാഗ്ലാന്ഡിന്സിന്റെ ഉത്പാദനം കുറക്കാനുള്ള കഴിവുള്ളതിനാൽ , തലവേദന , മൈഗ്രൈൻ തുടങ്ങിയ ബുദ്ധിമുട്ടുകൾ ഉണ്ടാകുമ്പോൾ ഒരല്പം ഇഞ്ചി കഴിക്കുന്നത് ആശ്വാസം നൽകുന്നതായിരിക്കും
3 . തണ്ണി മത്തൻ
തലവേദനക്കുള്ള പ്രധാന കാരണം ശരീരത്തിൽ ഉണ്ടാകുന്ന നിര്ജ്ജലീകരണം ആണ് . അതിനാൽ ധാരാളം വെള്ളം കുടിക്കുന്നതും തണ്ണി മത്തൻ പോലെ ധാരാളം വെള്ളം അടങ്ങിയിരിക്കുന്ന ഭക്ഷണം കഴിക്കുന്നതും തലവേദനക്ക് ആശ്വാസം നൽകും .
4 . ചീര
തലവേദന ശമിപ്പിക്കാൻ കഴിവുള്ള മഗ്നീഷ്യം ധാരാളം അടങ്ങിയിട്ടുള്ള സസ്യമാണ് ചീര . അതിനാൽ ചീര കഴിക്കുന്നത് തലവേദനക്ക് ഒരു പരിഹാരമാണ് .
5 . തൈര്
ശരീരത്തിൽ കാൽസിയത്തിന്റെ കുറവ് മൂലവും തലവേദന ഉണ്ടാവാൻ സാധ്യത ഉണ്ട് . അതിനാൽ കാൽസ്യം ധാരാളം അടങ്ങിയ തൈര് പോലുള്ള ഭക്ഷണങ്ങൾ കഴിക്കുന്നത് തലവേദന ഉണ്ടാകുന്നതിൽനിന്നു തടയാൻ സഹായിക്കും .
Comments