മനുഷ്യശരീരത്തിലെ സുഗമമായ പ്രവർത്തനങ്ങൾക്ക് വിറ്റാമിനുകളും പ്രോട്ടീനുകളുമടങ്ങിയ ഭക്ഷണത്തിനൊപ്പം ധാരാളം ജലവും അത്യന്താപേക്ഷിതമാണ്. ആരോഗ്യവാനും പ്രായപൂര്‍ത്തിയുമായ ഒരു വ്യക്തി രണ്ട് മുതല്‍ മൂന്ന് ലിറ്റര്‍ വെള്ളം പ്രതിദിനം കുടിക്കണമെന്നാണ് കണക്ക്. അതേസമയം ശരീരത്തിലെ ജലത്തിന്റെ അളവിൽ വരുന്ന വ്യതിയാനം ശരീര വണ്ണത്തിൽ മാറ്റമുണ്ടാകുമെന്നാണ് പഠനങ്ങൾ വ്യക്തമാക്കുന്നത്.
ദാഹിക്കുമ്പോള്‍ മാത്രമല്ല അല്ലാത്തപ്പോഴും ശരീരത്തിന് ധാരാളം വെള്ളത്തിന്റെ ആവശ്യമുണ്ട്. അത് വേണ്ട അളവില്‍ അകത്തെത്തിയില്ലെങ്കില്‍ നിങ്ങള്‍ എത്ര വര്‍ക്കൗട്ട് ചെയ്താലും ഡയറ്റ് ശ്രദ്ധിച്ചാലുമൊന്നും ഫലം ഉണ്ടാവുകയില്ല. കാരണം, കഴിക്കുന്ന ഭക്ഷണം കൃത്യമായി ദഹിക്കാനും, വ്യായാമത്തിന് ഗുണമുണ്ടാകാനും, ശരീരത്തിന്റെ ആകെ ധര്‍മ്മങ്ങള്‍ ചിട്ടയായി മുന്നോട്ടുപോകാനുമെല്ലാം വെള്ളം അത്യാവശ്യമാണ്.
വെള്ളം കുടിച്ചാല്‍ എങ്ങനെ വണ്ണം കുറയും…?
- ഭക്ഷണം കഴിക്കുന്നതിനു മുൻപായി രണ്ട് ഗ്ലാസ് വെള്ളം കുടിക്കണമെന്നാണ് വിദഗ്ധര്‍ പറയുന്നത്. ഇത് വിശപ്പ് കുറയ്‌ക്കുകയും ശരീരത്തില്‍ എത്തുന്ന ഭക്ഷണത്തെ നന്നായി ദഹിപ്പിക്കുകയും ചെയ്യും. ഇത് പെട്ടെന്ന് തന്നെ തടി കുറക്കും.
- ദഹന പ്രക്രിയയ്‌ക്കും, ഹോർമോൺ പ്രവർത്തനങ്ങൾക്കും ഒഴിച്ചു കൂട്ടാൻ പറ്റാത്ത ഘടകമായതിനാൽ ഒന്നോ രണ്ടോ ഗ്ലാസ് ശുദ്ധജലം അതിരാവിലെ വെറും വയറ്റിൽ കുടിക്കുന്നത്‌ ആരോഗ്യത്തിന്‌ വളരെ നല്ലതാണ്‌.
- നാല് ലിറ്റര്‍ വെള്ളം ഒരു ദിവസം കുടിച്ചാല്‍ ശരീരത്തിലുള്ള വിഷാംശവും കൊഴുപ്പും പെട്ടെന്ന് ഇളകി പോകും. അങ്ങനെ നിങ്ങളുടെ തടിയും കുറയും.
- ശരീരത്തില്‍ അടിഞ്ഞുകിടക്കുന്ന അനാവശ്യ പദാര്‍ത്ഥങ്ങളെ പുറന്തള്ളാന്‍ വെള്ളം സഹായിക്കുന്നു. ഇത് മലബന്ധം, വയര്‍ വീര്‍ത്തുകെട്ടുന്ന അവസ്ഥ എന്നീ പ്രശ്നങ്ങളെ ഒഴിവാക്കുന്നു. അതിനാൽ ദഹനപ്രവര്‍ത്തനങ്ങള്‍ മുഴുവനായി നല്ലരീതിയില്‍ നടന്നാല്‍ മാത്രമേ, വണ്ണം കുറയ്‌ക്കാനായി നമ്മള്‍ നടത്തുന്ന ശ്രമങ്ങള്‍ ഫലം കാണുകയുള്ളൂ.
- ഭക്ഷണം കഴിച്ചാലും വയറു കത്തുന്നു എന്നു തോന്നുകയാണെങ്കില്‍ കുറച്ച് വെള്ളം കുടിച്ച് വിശ്രമിക്കൂ. വിശപ്പൊക്കെ പോയി കിട്ടും. ഇത് തടിയും ശരീരത്തിലെ അനാവശ്യ കൊഴുപ്പുകളും കുറക്കാന്‍ സഹായിക്കുന്നു.
- ശരീരത്തിലെത്തുന്ന കൊഴുപ്പ് വിവിധ പ്രവര്‍ത്തനങ്ങള്‍ക്കാവശ്യമായി വരുന്ന ഊര്‍ജ്ജമാക്കി നമ്മള്‍ മാറ്റിയെടുക്കുന്നുണ്ട്. ഈ പ്രക്രിയ ത്വരിതപ്പെടുത്താനും അതുവഴി കൊഴുപ്പിന്റെ അളവ് കുറയ്‌ക്കാനും വെള്ളം സഹായിക്കുന്നു.
- പലപ്പോഴും അതിയായി ദാഹിക്കുകയും അതുവഴി ക്ഷീണം അനുഭവപ്പെടുകയും ചെയ്യുമ്പോള്‍ പലരും അത് വിശപ്പാണെന്ന് തെറ്റിദ്ധരിച്ച് ഭക്ഷണം കഴിക്കാന്‍ തിടുക്കപ്പെടാറുണ്ട്. ചില സമയങ്ങളില്‍ ഭക്ഷണം കഴിച്ച് അല്‍പസമയത്തിന് ശേഷം പോലുമാകാം ഈ അനുഭവം. അപ്പോഴും എന്തെങ്കിലും സ്നാക്സിലേക്ക് അഭയം പ്രാപിക്കാനാണ് മിക്കവരും ശ്രമിക്കുക. ഇത് ഒഴിവാക്കാനായി ഒരു ഗ്ലാസം വെള്ളമങ്ങ് കുടിക്കുക. അതോടെ വിശപ്പ് ശമിച്ചതായി തോന്നും. ഇത്തരത്തില്‍ അമിതമായി ഭക്ഷണം കഴിക്കുന്ന ശീലം ഉപേക്ഷിക്കുക.
Comments