എളുപ്പത്തിൽ തയ്യാറാക്കാവുന്ന റവ കേക്ക്

ഈജിപ്ഷ്യൻ വിഭവമായ ബാസ്‌ബൗസയോട് സാമ്യമുള്ള ഒരു വിഭവമാണ് റവ കൊണ്ടുണ്ടാക്കുന്ന വളരെ മാര്‍ദ്ദവമുള്ളതും മധുരവുമുള്ള കേക്ക് . വളരെ എളുപ്പത്തിൽ തയ്യാറാക്കാവുന്ന രീതി തൊട്ടു വിപുലമായി കൂടുതൽ വിഭവങ്ങൾ ചേർത്ത് കൊണ്ടും റവ കേക്കുണ്ടാക്കാം . സമയക്കുറവ് ഇന്നത്തെ ജീവിതരീതിയിൽ ഒരു പ്രശ്നം ആയതിനാൽ എല്ലാവർക്കും താല്പര്യം എളുപ്പത്തിൽ തയ്യാറാക്കാവുന്ന ഒരു വിഭവത്തോടവും . അതിനാൽ തന്നെ എളുപ്പത്തിൽ തയ്യാറാക്കാവുന്ന റവ കേക്കിന്റെ പാചകകുറിപ്പാണ് ചുവടെ ചേർക്കുന്നത്

റവ കേക്ക് ഉണ്ടാക്കാൻ വേണ്ടുന്ന വിഭവങ്ങൾ

1 . 1/ 2 കപ്പ് ഉപ്പില്ലാത്ത ബട്ടർ
2 . ഒരു കപ്പ് പൊടിച്ച പഞ്ചസാര
3 . ഒന്നര കപ്പ് റവ
4 . അര കപ്പ് മൈദ
5 . ഉപ്പ്
6 . 1/ 4 ടീസ്പൂൺ ഏലക്ക പൊടി
7 . 1/ 4 കപ്പ് നന്നായി അടിച്ച തൈര് (പുളിയില്ലാത്തത് )
8 . ഒരു കപ്പ് പാൽ
9 . മുക്കാൽ ടീസ്പൂൺ ബേക്കിംഗ് പൗഡർ
10 . അര ടീസ്പൂൺ ബേക്കിംഗ് സോഡ
11 . ഡ്രൈ ഫ്രൂട്ട്സ്

തയ്യാറാക്കേണ്ടുന്ന വിധം

1 . ഒരു പാത്രത്തിൽ ഉരുക്കിയ ബട്ടറും പഞ്ചസാരയും എടുക്കുക , എന്നിട്ടു നന്നായി കുഴമ്പ് പരുവമാകുന്നത് വരെ ഇളക്കുക .

2 . ഇതിലേക്ക് റവ , മൈദ , സ്വല്പം ഉപ്പ് , ഏലക്കാപ്പൊടി എന്നിവ ചേർത്ത് നന്നായി മിക്സ് ചെയ്യുക

3 . ഇപ്പോൾ ചേർത്ത ചേരുവകൾക്കൊപ്പം തൈരും പാലും കൂടി ചേർത്ത് നന്നായി ഇളക്കുക .

4 . ചേരുവകൾ എല്ലാം നന്നായി കൂട്ടിയോജിപ്പിച്ചതിന് ശേഷം മുപ്പത് മിനിറ്റ് മാറ്റി വെക്കുക . ശേഷം ഇതിലേക്ക് ബേക്കിംഗ് പൗഡറും , ബേക്കിംഗ് സോഡയും ചേർത്ത് ഇളക്കുക .

5 . ഇതിലേക്ക് ആവശ്യത്തിന് ഡ്രൈ ഫ്രൂട്ട്സും കൂടി ചേർത്ത് ഇളക്കിയതിന് ശേഷം , കേക്ക് ഉണ്ടാക്കുന്ന പാനിലേക്ക് ഒഴിക്കാം .

6 . 180 ഡിഗ്രി സെൽഷ്യസിൽ നാൽപതു മിനിറ്റ് ഓവനിൽ വെച്ച് ബേക്ക് ചെയ്യുക .

7 . ബേക്ക് ചെയ്തതിനു ശേഷം കേക്ക് തണുക്കാൻ വെക്കുക . തണുത്തതിന് ശേഷം ചെറിയ കഷണങ്ങളാക്കി സെർവ് ചെയ്യാവുന്നതാണ് .

രുചികരമായ റവ കൊണ്ടുള്ള കേക്ക് തയ്യാർ .