വഡോദരയിലെ ലക്ഷ്മി വിലാസ് കൊട്ടാരത്തെക്കുറിച്ചുള്ള രസകരമായ ചില വസ്തുതകൾ

വഡോദരയുടെ ഹൃദയഭാഗത്തായി സ്ഥിതിചെയ്യുന്ന മനോഹരമായ കൊട്ടാരമാണ് ലക്ഷ്മി വിലാസ് കൊട്ടാരം .ബറോഡ സംസ്ഥാനം ഭരിച്ചിരുന്ന ഒരു പ്രമുഖ മറാത്ത കുടുംബമായ ഗെയ്‌ക്ക്വാഡ് കുടുംബമാണ് ഈ കൊട്ടാരം നിർമ്മിച്ചത് . ഈ കൊട്ടാരത്തെ സംബന്ധിച്ചുള്ള രസകരമായ ചില വസ്തുതകൾ ഇവയൊക്കെയാണ്

1 . ലണ്ടനിലെ ബക്കിംഗ്ഹാം കൊട്ടാരത്തേക്കാൾ നാലിരട്ടി വലുതാണ് ലക്ഷ്മി വിലാസ് കൊട്ടാരം .

2 . ഇന്നുവരെ നിർമ്മിച്ചിട്ടുള്ളതിൽ വെച്ച് ഏറ്റവും വലിയ സ്വകാര്യ വാസസ്ഥലമാണ് ഈ കൊട്ടാരം . നൂറ്റിഎഴുപത് മുറികൾ ഉള്ള ഈ കൊട്ടാരം നിർമ്മിച്ചത് വെറും രണ്ട് പേർക്ക് താമസിക്കാൻ വേണ്ടിയായിരുന്നു എന്നുള്ളത് അത്ഭുതാവഹം തന്നെയാണ് .

3 . 1878 ൽ ആരംഭിച്ച കൊട്ടാരത്തിന്റെ നിർമ്മാണം പൂർത്തിയായത് പന്ത്രണ്ട് വർഷം കൊണ്ടാണ് .

4 . കൊട്ടാരത്തിന്റെ പണി പൂർത്തിയാകുന്നതിന് മുൻപ് തന്നെ കൊട്ടാരം രൂപകല്പന ചെയ്ത മേജർ ചാൾസ് മാന്റ് തൂങ്ങി മരിച്ചു . തന്റെ കണക്കുകൂട്ടലുകൾ തെറ്റിയത് നിമിത്തം കൊട്ടാരം തകർന്ന് വീഴും എന്ന ചിന്തയിലാണ് അദ്ദേഹം ആത്മഹത്യ ചെയ്തത് . എന്നാൽ 125 വർഷങ്ങൾക്കിപ്പുറവും ലക്ഷ്മി വിലാസ് കൊട്ടാരം പ്രൗഡ ഗംഭീരമായി തന്നെ ഇന്നും നിലകൊള്ളുന്നു .

5 . പ്രാദേശികവും അന്തർദ്ദേശീയവുമായ നിരവധി വസ്തുക്കൾ ഉപയോഗിച്ചാണ് കൊട്ടാരം നിർമ്മിച്ചിരിക്കുന്നത്. ആഗ്രയിൽ നിന്നുള്ള ചുവന്ന മണൽക്കല്ലും , രാജസ്ഥാനിൽ നിന്നും ഇറ്റലിയിൽ നിന്നുമുള്ള മാർബിളുകളും , പൂനെയിൽ നിന്നുള്ള നീല നിറത്തിലുള്ള ട്രാപ്സ്റ്റോണും ആണ് കൊട്ടാരത്തിന്റെ നിർമ്മാണത്തിനായി ഉപയോഗിച്ചിരിക്കുന്നത് .

6 . കൊട്ടാരത്തിന്റെ പണി പൂർത്തിയായപ്പോൾ അതിന്റെ മൂല്യം അതായതു ഒരു നൂറ്റാണ്ട് മുമ്പ് ഏകദേശം 1 ,80 ,000 ഡോളറായിരുന്നു .

7 . കൊട്ടാരത്തിന്റെ ക്ലോക്ക് ടവർ 300 അടി ഉയരത്തിൽ വായുവിലാണ് നിൽക്കുന്നത് .കൊട്ടാരത്തിൽ താമസിക്കുന്നവർക്ക് മണി മുഴക്കുമ്പോൾ ഉണ്ടാകുന്ന ശബ്ദം ബുദ്ധിമുട്ടുണ്ടാക്കിയിരുന്നതിനാൽ അത് ഉപയോഗിക്കുക പതിവല്ലായിരുന്നു . മറിച്ച്  രാജാവ് കൊട്ടാരത്തിൽ ഉണ്ടെങ്കിൽ ഒരു ചുവന്ന വെളിച്ചം പ്രകാശിപ്പിച്ചു വെക്കുകയാണ് ചെയ്തിരുന്നത് . ഇന്നും ഈ രീതി കൊട്ടാരത്തിൽ പിന്തുടർന്ന് പോരുന്നു .

8 . ലോകത്തിലെ മറ്റേതൊരു കൊട്ടാരത്തേക്കാളും കൂടുതൽ ചായമടിച്ച ചില്ലുകൾ ലക്ഷ്മി വിലാസ് കൊട്ടാരത്തിൽ ഉണ്ട് .

9 . മഹാരാജ സയാജി റാവു മൂന്നാമനാണ് കൊട്ടാരം പണി കഴിപ്പിച്ചത് . തഞ്ചാവൂരിൽ നിന്നുള്ള അദ്ദേഹത്തിന്റെ മൂന്നാമത്തെ പത്നി ആയിരുന്ന റാണി ലക്ഷ്മിബായിയുടെ നാമം ആണ് അദ്ദേഹം കൊട്ടാരത്തിന് നൽകിയത് . ഇന്ന്, ഇത് ബറോഡയിലെ ഗെയ്‌ക്ക്വാഡുകളുടെ ഔദ്യോഗിക രാജകീയ വസതിയായി തുടരുന്നു.

10 . കൊട്ടാരം മൈതാനത്തിന്റെ ഭാഗങ്ങൾ ഇപ്പോൾ ഗോൾഫ് കളിക്കാനുള്ള സ്ഥലമായി ഉപയോഗിച്ച് പോരുന്നു . പുറത്തു നിന്നുള്ളവർക്കും ഗോൾഫ് കളിക്കാൻ ഇവിടെ പ്രവേശനം അനുവദിക്കാറുണ്ട് .