അമിത് ഷായെ കൊലക്കേസ് പ്രതിയെന്ന് വിളിച്ചു ; രാഹുലിനെതിരായ മാനനഷ്ടക്കേസിൽ ഹാജരാകാൻ അഡീഷണൽ സോളിസിറ്റർ അനുമതി തേടി

ന്യൂഡൽഹി : കോൺഗ്രസ് നേതാവ് രാഹുൽ ഗാന്ധിയ്‌ക്കെതിരായ മാന നഷ്ടക്കേസിൽ ഹാജരാകാൻ അഡീഷണൽ സോളിസിറ്റർ സൂര്യപ്രകാശ് വി രാജു സുപ്രീം കോടതിയുടെ അനുമതി തേടി .

2019ൽ അമിത്​ ഷായെ രാഹുൽ കൊല​ക്കേസ്​ ​പ്രതിയെന്ന്​ വിളിച്ചതുമായി ബന്ധപ്പെട്ട കേസിൽ ഹാജരാകാനാണ്​ എസിജി നിയമമന്ത്രാല​യത്തോട്​ അനുമതി ചോദിച്ചത്​.

എ സി ജിയുടെ അപേക്ഷ സംബന്ധിച്ച് അടുത്ത ആഴ്ചയിൽ തീരുമാനമുണ്ടാകുമെന്നാണ് പ്രതീക്ഷിക്കുന്നത്. ബി.ജെ.പി പ്രാദേശിക നേതാവ്​ ക്രിഷ്​ണവദൻ ബ്രഹ്​മഭട്ടാണ്​ രാഹുലിനെതിരെ മാനനഷ്​ടക്കേസ്​ ഫയൽ​ ചെയ്​തത്​. അഹമ്മദാബാദ്​ മജിസ്​ട്രേറ്റ്​ കോടതിയിൽ കേസുമായി ബന്ധപ്പെട്ട ട്രയൽ നടക്കാനിരിക്കുകയാണ്​. കേസിൽ ബ്രഹ്​മഭട്ടിനുവേണ്ടി സൂര്യപ്രകാശ്​ വി.രാജു തന്നെയായിരുന്നു​ നേര​ത്തെയും ഹാജരായിരുന്നത്​. അഹമ്മദാബാദ് മജിസ്‌ട്രേറ്റ് കോടതിയിലാണ് കേസ് നടക്കുന്നത്.

2019 ലോക്​സഭ തെരഞ്ഞെടുപ്പ്​ പ്രചാരണത്തിനിടെ ജബൽപൂരിൽ വെച്ചാണ്​ രാഹുൽ അമിത്​ ഷായെ കൊലക്കേസ്​ പ്രതിയെന്ന്​ വിളിച്ചത്​. കേസിൽ നേരത്തേ 10,000 രൂപ കെട്ടിവെച്ച്​ രാഹുലിന്​ ജാമ്യം അനുവദിച്ചിരുന്നു. സുപ്രീംകോടതിയും, ഗുജറാത്ത് ഹൈക്കോടതിയും ഇക്കഴിഞ്ഞ സെപ്റ്റംബർ 30 ന് വിചാരണ കോടതികളോട് സിറ്റിംഗ്, മുൻ എംപിമാർക്കെതിരായ നടപടികൾ വേഗത്തിലാക്കാൻ ആവശ്യപ്പെട്ടിരുന്നു . ഇതനുസരിച്ചാണ് നിലവിൽ കേസിന്റെ നടപടികൾ പുരോഗമിക്കുന്നത്.