കൊറോണ;രാജ്യത്ത് 24 മണിക്കൂറിനിടെ 54,044 പുതിയ കേസുകൾ; 717 മരണം

ന്യൂഡല്‍ഹി: രാജ്യത്ത് കൊറോണ ബാധിതരുടെ എണ്ണം 76 ലക്ഷം പിന്നിട്ടു. 24 മണിക്കൂറിനിടെ രാജ്യത്ത്  54,044 പുതിയ കാെറോണ കേസുകളും, 717 മരണങ്ങളും സ്ഥിരീകരിച്ചു. ഇതോടെ രാജ്യത്ത് ആകെ കൊറോണ  ബാധിതരുടെ എണ്ണം 76,51,107 ആയിരിക്കുകയാണ്.

രാജ്യത്ത്  കഴിഞ്ഞ ഏതാനും ദിവസങ്ങളിലായി കൊറോണ ബാധിതരുടെ എണ്ണം തുടര്‍ച്ചയായി കുറയുകയാണ്. രാജ്യത്തെ കൊറോണ മുക്തി നിരക്ക് 88 ശതമാനം കടന്നു. നിലവിൽ രാജ്യത്തിന്റെ വിവിധ ഭാഗങ്ങളില്‍ 7,40,090 പേരാണ് ചികിത്സയില്‍ കഴിയുന്നത്. രാജ്യത്തെ ആകെ കൊറോണ മരണം 1,15,914 ആയി.

ദിനംപ്രതിയുള്ള കൊറോണ  രോഗികളുടെ എണ്ണത്തിലും രോഗമുക്തി നിരക്കിലും മഹാരാഷ്‌ട്രയാണ് ഒന്നാമത്. കാെറോണ രോഗം വന്ന് മാറിയവർക്ക് ആന്റി ബോഡികൾ അഞ്ച് മാസത്തിൽ താഴെ മാത്രമാണ് നിലനിൽക്കുന്നതെന്നും അതിനാൽ വീണ്ടും രോഗം വരാതെയിരിക്കാൻ പ്രതിരോധ നടപടികൾ സ്വീകരിക്കണമെന്നും ഐസിഎംആർ അറിയിച്ചു.