ലോകത്ത് കൊറോണ ബാധിതരുടെ എണ്ണം അഞ്ച് കോടിയിലേക്ക് എത്തുന്നു; ലോക ആരോഗ്യ സംഘടന

ജനീവ: ലോകത്ത് കൊറോണ ബാധിതരുടെ എണ്ണം അഞ്ച് കോടിയിലേക്ക് എത്തുന്നതായി ലോക ആരോഗ്യ സംഘടന അറിയിച്ചു. ലോകത്ത് ഇതുവരെ 42,924,533 പേര്‍ക്കാണ് കൊറോണ  സ്ഥിരീകരിച്ചത്. ലോകത്ത് ആകെ 1,154,761 പേര്‍ രോഗബാധയെ തുടര്‍ന്ന് മരണപ്പെട്ടു. 3.17 കോടിപേരാണ്  ഇതുവരെ രോഗമുക്തി  നേടിയിട്ടുള്ളത്. വിവിധ രാജ്യങ്ങളിൽ  നിലവില്‍ 10,013,089 പേരാണ് ചികിത്സയിൽ കഴിയുന്നത്.

അമേരിക്കയിലാണ് ഏറ്റവും കൂടുതൽ കൊറോണ കേസുകൾ രേഖപ്പെടുത്തുന്നത്.കഴിഞ്ഞ ഇരുപത്തിനാല് മണിക്കൂറിനിടെ 77,299 പേർക്കാണ് കൊറോണ  സ്ഥിരീകരിച്ചത്. മരണം അഞ്ച് ലക്ഷം പിന്നിട്ടു. അമേരിക്ക കഴിഞ്ഞാൽ ലോകത്ത് കൊറോണ ബാധിതരുടെ എണ്ണത്തിൽ രണ്ടാം സ്ഥാനത്ത് ഇന്ത്യയും, മൂന്നാം സ്ഥാനത്ത് ബ്രസീലുമാണ്. നേരത്തെ കൊറോണ കേസുകൾ  കുറവുള്ള  പലരാജ്യങ്ങളിലും വീണ്ടും രോഗവ്യാപന തോത് വര്‍ധിക്കുന്നതായി ലോക ആരോഗ്യ സംഘടനയുടെ റിപ്പോർട്ടിൽ പറയുന്നു.