പനജി: ഗോവയില്‍ പോലീസ് സേന സ്ത്രീ സുരക്ഷയ്‌ക്കായി നൂതന സംവിധാനങ്ങളുമായി രംഗത്ത്. പ്രശ്‌നങ്ങളിലകപ്പെടുന്ന സ്ത്രീകള്‍ക്ക് ഏതു സമയത്തും പോലീസിനെ ബന്ധപ്പെടാനാകുന്ന സംവിധാനമാണ് സംസ്ഥാന ആഭ്യന്തര വകുപ്പ് തയ്യാറാക്കിയത്. പോലീസിനെ ഉടന്‍ ബന്ധപ്പെടാനും സന്ദേശവും ഫോട്ടോയും അയക്കാന്‍ പാകത്തിനുള്ള വാട്‌സ് ആപ്പ് നമ്പറാണ് പുറത്തിറക്കിയത്.
ഗോവ മുഖ്യമന്ത്രി പ്രമോദ് സാവന്താണ് സ്ത്രീ സുരക്ഷയ്‌ക്കായി സംവിധാനം ഒരുക്കിയത്. പൊതു ഇടങ്ങളില്‍ മാത്രമല്ല ഗാര്‍ഹിക പീഡനത്തിലും സ്ത്രീകളുടെ സുരക്ഷ പോലീസ് എത്രയും പെട്ടന്ന് ഒരുക്കുമെന്നും ഗോവ മുഖ്യമന്ത്രി അറിയിച്ചു. ഏതു നിര്‍ണ്ണായ സാഹചര്യത്തിലും വാട്‌സ് ആപ്പില്‍ ബന്ധപ്പെടാമെന്നും പോലീസ് പറഞ്ഞു.
കഴിഞ്ഞ വര്‍ഷത്തെ കണക്കനുസരിച്ച് ഒരു ദിവസം ഒരു സ്ത്രീപീഡന പരാതിയാണ് ലഭിച്ചിരുന്നത്. 2016 മുതല്‍ ആകെ 1400 പരാതികള്‍ ലഭിച്ചെന്നാണ് പ്രമോദ് സാവന്ത് നിയമസഭയില്‍ പറഞ്ഞത്. 2019ല്‍ കേസ്സുകള്‍ കുത്തനെ കുറഞ്ഞ് 202ലെത്തിയെന്നും പോലീസ് സേന ചൂണ്ടിക്കാട്ടി.
Comments