വ്യത്യസ്തങ്ങളായ നിരവധി വേഷങ്ങളിലൂടെ മലയാളി പ്രേക്ഷകരെ വിസ്മയിപ്പിച്ച താരമാണ് ഫഹദ് ഫാസില്. ഓരോ കഥാപാത്രങ്ങള് കൈകാര്യം ചെയ്യുമ്പോഴും ആ കഥാപാത്രവുമായി ഇഴുകി ചേരാനും, അതില് പൂര്ണ വിജയം കൈവരിക്കാനും സാധിച്ച താരം കൂടിയാണ് ഫഹദ്. ഓരോ കഥാപാത്രങ്ങളെയും പരിപൂര്ണതയില് എത്തിച്ച് താരം ആരാധകരുടെ കൈയ്യടി നേടുന്നു. ഫഹദ് ഫാസില് കേന്ദ്ര കഥാപാത്രമായി എത്തുന്ന പുതിയ ചിത്രമായ ജോജിയുടെ ടീസര് പുറത്തിറങ്ങി
ദിലീഷ് പോത്തനാണ് ഈ ചിത്രത്തിന്റെ സംവിധായകന്. മഹേഷിന്റെ പ്രതികാരം, തൊണ്ടിമുതലും ദൃക്സാക്ഷിയും എന്നീ ഹിറ്റ് ചിത്രങ്ങള്ക്ക് ശേഷം ഫഹദ് ഫാസിലിനെ നായകനാക്കി ദിലീഷ് പോത്തന് ഒരുക്കുന്ന ചിത്രം എന്ന പ്രത്യേകതയും ജോജിക്കുണ്ട്. മറ്റു രണ്ട് ചിത്രങ്ങളെ പോലെ തന്നെ ഗ്രാമീണ പശ്ചാത്തലത്തില് ഒരുങ്ങുന്ന ഒരു ചിത്രമാണ് ഇതെന്ന് ജോജിയുടെ ടീസറിലൂടെ മനസ്സിലാകുന്നു. ഭാവന സ്റ്റുഡിയോസിന്റെ ബാനറില് നിര്മ്മിക്കുന്ന ഈ ചിത്രത്തിന്റെ തിരക്കഥ ഒരുക്കിയിരിക്കുന്നത് ശ്യാം പുഷ്കരണ്.
ബാബുരാജ്, ഉണ്ണിമായ, ഷമ്മി തിലകന് തുടങ്ങിയ പ്രമുഖ താരങ്ങളും ഈ ചിത്രത്തില് അണി നിരക്കുന്നുണ്ട് ഏപ്രില് ഏഴ് ന് ഒടിടി പ്ലാറ്റ്ഫോമായ ആമസോണ് പ്രൈമിലൂടെയാണ് ചിത്രത്തിന്റെ റിലീസ്. ഫഹദിന്റെ വ്യത്യസ്തമായ പുതിയ വേഷത്തിനായുള്ള കാത്തിരിപ്പിലാണ് ആരാധകര്. അവരെ നിരാശപ്പെടുത്താത്ത പ്രകടനമായിരിക്കും താരത്തിന്റേത് എന്ന് സംശയമില്ല. മഹേഷിന്റെ പ്രതികാരത്തിലെ ഫോട്ടോഗ്രാഫറേയും തൊണ്ടിമുതലും ദൃക്സാക്ഷിയിലെ കളളനേയും ആരും അത്ര പെട്ടന്ന് മറന്നു കളയാന് സാധ്യതയില്ല. രണ്ടും പ്രേക്ഷക മനസ്സില് സ്ഥാനം പിടിച്ച കഥാപാത്രങ്ങളാണ്.
