കൊച്ചി: ദിലീഷ് പോത്തൻ, വിനീത്, സാഗർ സൂര്യ എന്നിവർ കേന്ദ്രകഥാപാത്രങ്ങളാകുന്ന മിസ്റ്ററി ത്രില്ലർ ചിത്രം ‘ഭൗമ’ ഭാവനാ റിലീസ് തിയേറ്ററുകളിലെത്തിക്കും. ആറ്റസ് ഫിലിംസിന്റെ ബാനറിൽ ബസം കാദിയാർ നിർമിക്കുന്ന ചിത്രം റെജിൻ എസ്. ബാബുവാണ് തിരക്കഥയെഴുതി സംവിധാനം ചെയ്യുന്നത്.
മലനിരകളിലെ ഇരുണ്ട നടപ്പാതയിൽ ടോർച്ച് തെളിച്ചുനിൽക്കുന്ന ദിലീഷ് പോത്തന്റെ ലുക്കിലുള്ള പോസ്റ്ററിലൂടെയാണ് ചിത്രത്തിന്റെ വിതരണ പ്രഖ്യാപനം നടത്തിയത്. രണ്ട് കാലഘട്ടങ്ങളിലൂടെ കഥ പറയുന്ന മിസ്റ്ററി ത്രില്ലർ എന്ന നിലയിൽ സിനിമ ഇതിനകം ചലച്ചിത്രരംഗത്ത് ശ്രദ്ധ നേടിയിട്ടുണ്ട്. ചിത്രത്തിന്റെ ഫസ്റ്റ് ലുക്ക് പോസ്റ്ററും നേരത്തേ പ്രേക്ഷകശ്രദ്ധ ആകർഷിച്ചിരുന്നു.
ഭാവനാ റിലീസിലൂടെ തിയേറ്ററുകളിലേക്ക്
ഫഹദ് ഫാസിൽ, നസ്രിയ, ദിലീഷ് പോത്തൻ, ശ്യാം പുഷ്കരൻ എന്നിവർ നേതൃത്വം നൽകുന്ന ഭാവനാ സ്റ്റുഡിയോസിന്റെ വിതരണ സ്ഥാപനമാണ് ഭാവനാ റിലീസ്. ‘കുമ്പളങ്ങി നൈറ്റ്‌സ്’ ഉൾപ്പെടെയുള്ള ശ്രദ്ധേയ ചിത്രങ്ങളിലൂടെ മലയാള സിനിമയിൽ സാന്നിധ്യമുറപ്പിച്ച ഭാവനാ സ്റ്റുഡിയോസിന്റെ വിതരണനിരയിലേക്ക് ‘ഭൗമ’യും എത്തുകയാണ്.
വൻ താരനിര
ദിലീഷ് പോത്തൻ, വിനീത്, സാഗർ സൂര്യ എന്നിവർക്ക് പുറമേ വിജയ് ബാബു, ജാഫർ ഇടുക്കി, രഘുനാഥ് പലേരി, സെന്തിൽ കൃഷ്ണ, മധുപാൽ, മണിക്കുട്ടൻ, ഭഗത് മാനുവൽ, സജിൻ ചെറുകയിൽ, ബിപിൻ പെരുമ്പള്ളി, ലെന, മെറിൻ ഫിലിപ്പ്, മോഷ സെൻഗുപ്ത, രേവതി ശർമ, കാവ്യ ഭാനു, അനിത നായർ, പ്രവീണ, നിൽജ, ജെയിൻ ആൻഡ്രൂസ്, ബിനോജ് വില്യ, അപർണ ജോൺസ്, നസ്ലിൻ ജമീല, നൗഷാദ്, എൻ.പി. നിസ്സ എന്നിവരും ചിത്രത്തിൽ പ്രധാന വേഷങ്ങളിലെത്തുന്നു.
ചിത്രത്തിന്റെ അണിയറപ്രവർത്തകർ
കഥ: ഡോണി കടമ്മനിട്ട
സംഗീതം: ക്രിസ്റ്റോ സേവ്യർ
ഛായാഗ്രഹണം: ശരൺ വേലായുധൻ
എഡിറ്റിംഗ്: സൂരജ് ഇ.എസ്.
പ്രൊഡക്ഷൻ ഡിസൈൻ: അപ്പുണ്ണി സാജൻ
കലാസംവിധാനം: സിബിൻ വർഗീസ്
മേക്കപ്പ്: റോണി വെള്ളത്തൂവൽ
കോസ്റ്റ്യൂം ഡിസൈൻ: ഗോപിക ഉണ്ണികൃഷ്ണൻ
ചീഫ് അസോസിയേറ്റ് ഡയറക്ടർ: അംബ്രു സൈമൺ
സ്റ്റിൽസ്: ജിതിൻ എസ്. ബാബു
സൗണ്ട് ഡിസൈൻ: ജയദേവൻ ചക്കാടത്ത്
ഫൈനൽ മിക്സ്: രാജാകൃഷ്ണൻ എം.ആർ.
കളറിസ്റ്റ്: ലിജു പ്രഭാകർ
പബ്ലിസിറ്റി ഡിസൈൻ: മാമി ജോ
ഡിജിറ്റൽ മാർക്കറ്റിംഗ്: ഒബ്സ്ക്യൂറ എന്റർടെയ്ൻമെന്റ്സ്
ആക്ഷൻ: കലൈ കിംഗ്സ്റ്റൺ
എക്സിക്യൂട്ടീവ് പ്രൊഡ്യൂസർ: ഡാനിഷ് കെ.എ.
പ്രൊഡക്ഷൻ മാനേജർ: ജസ്റ്റിൻ ടോണി തോമസ്
പ്രൊഡക്ഷൻ എക്സിക്യൂട്ടീവ്: ഷെറിൻ സ്റ്റാൻലി
പ്രൊഡക്ഷൻ കൺട്രോളർ: ജോബ് ജോർജ്
കൊച്ചി, പീരുമേട് എന്നിവിടങ്ങളിലാണ് ചിത്രീകരണം പൂർത്തിയാക്കിയത്. മിസ്റ്ററിയും ത്രില്ലറും രണ്ട് കാലഘട്ടങ്ങളിലെ കഥാപശ്ചാത്തലവും ചേർത്തൊരുക്കുന്ന ‘ഭൗമ’യുടെ തിയേറ്റർ റിലീസിനായുള്ള കാത്തിരിപ്പിലാണ് സിനിമാപ്രേമികൾ.
