നിരവധി തവണ അന്യഗ്രഹജീവികള്‍ തട്ടി കൊണ്ടു പോയി, അതിന്റെ തെളിവുകളുമുണ്ട്; വിചിത്ര വിവാദവുമായി പൗള

കേള്‍ക്കുമ്പോള്‍ ഏറെ കൗതുകകരവും എന്നാല്‍ ആശ്ചര്യവുമുള്ള നിരവധി സംഭവങ്ങള്‍ നമുക്ക് ചുറ്റുമുണ്ട്. അത്തരത്തില്‍ ഒന്നാണ് അന്യഗ്രഹജീവികള്‍.അവയെ കുറിച്ചുള്ള വാര്‍ത്തകള്‍ എന്നും നാം ആകാംക്ഷയോടെയാണ് നോക്കിക്കാണുന്നത്.
പറക്കും തളികയും, അന്യഗ്രഹജീവികളുമെല്ലാം ഇന്നും ആളുകള്‍ക്ക് കൗതുകം തന്നെയാണ്. ഇപ്പോള്‍ 52 തവണ തന്നെ അന്യഗ്രഹജീവികള്‍ തട്ടി കൊണ്ടു പോയിട്ടുണ്ടെന്ന വിവാദവുമായി രംഗത്തെത്തിയിരിക്കുകയാണ് പൗള സ്മിത്ത് എന്ന ബ്രിട്ടീഷുകാരി.
തന്നെ ആദ്യമായി അന്യഗ്രഹജീവികള്‍ തട്ടിക്കൊണ്ടു പോയത് തനിക്ക് ആറു വയസ്സുള്ളപ്പോഴാണ് എന്നാണ് 50 വയസ്സുകാരിയായ പൗള പറയുന്നത്.

അന്നാണ് ആദ്യമായി യുഎഫ്ഒ യില്‍ കയറുന്നത് എന്നും, അതിന്റെ തെളിവുകളായി കൈയ്യിലെ മുറിവുകളും അവര്‍ കാണിക്കുന്നു. ജനങ്ങള്‍ ഇതിനെ വിമര്‍ശിക്കുമോ എന്ന് ഭയന്നാണ് ഇത്രകാലവും നടന്ന സംഭവങ്ങളെക്കുറിച്ച് തുറന്നു പറയാതിരുന്നതെന്നും പൗള പറഞ്ഞു. പച്ചപ്പ് നിറഞ്ഞ ഒരു പ്രദേശം കറുപ്പുനിറത്തിലാകുന്നതും നീലാകാശം ചോര നിറത്തിലാകുന്നതും കാണിക്കുന്ന ഒരു സ്ലൈഡ് ഷോ തന്നെ അവര്‍ കാണിച്ചതായും പൗള പറയുന്നു. ഭൂമി ഉണ്ടാകുന്നതിനു മുന്‍പേ തന്നെ സാങ്കേതികപരമായി അന്യഗ്രഹജീവികള്‍ മുന്നിലാണെന്നും,അവരുടെ പക്കല്‍ ടച്ച് സ്‌ക്രീന്‍ സംവിധാനം ഉള്ള നിരവധി ഉപകരണങ്ങള്‍ ഉണ്ടെന്നും തനിക്ക് ഇക്കാര്യം നേരിട്ട് മനസ്സിലായതാണെന്ന് അവര്‍ പറഞ്ഞു.

ഇതൊന്നും തനിക്കുമാത്രല്ല സംഭവിച്ചതെന്നും ദശലക്ഷക്കണക്കിന് ആളുകള്‍ക്ക് ഇങ്ങിനെയുളള അനുഭവങ്ങള്‍ ഉണ്ടായിരിക്കാമെന്നും എന്നാല്‍ പുറംലോകത്തെ പേടിച്ചാണ് അവരാരും ഇതൊന്നും പുറത്തു പറയാത്തത് എന്നും അവര്‍ പറഞ്ഞു. 1982 ലാണ് അന്യഗ്രഹ ജീവികള്‍ തന്നെ ആദ്യമായി തട്ടിക്കൊണ്ടു പോയതെന്നും പറഞ്ഞതെല്ലാം ആളുകളെ വിശ്വസിപ്പിക്കാന്‍ ആയി അകലെ നിന്നും പിടിച്ചെടുത്ത യുഎഫ്ഒ കളുടെ കുറച്ച് ഫോട്ടോകളും അവര്‍ പങ്കുവെച്ചു