രജൗറി: രജൗറിയിൽ മണ്ണിടിഞ്ഞ് ഒരു മരണം. മെഡിക്കൽ കോളേജ് ഇരിക്കുന്ന പരിസരത്തെ മതിൽക്കെട്ടാണ് മണ്ണിടിഞ്ഞതിനെ തുടർന്ന് താഴോട്ട് പതിച്ചത്. മണ്ണിലകപ്പെട്ട വ്യക്തിയുടെ മൃതശരീരം പുറത്തെടുത്തതായി ജമ്മുകശ്മീർ രജൗറി ഡെപ്യൂട്ടി പോലീസ് സൂപ്രണ്ട് വിനോദ് കുമാർ അറിയിച്ചു. പ്രദേശവാസിയാണ് മരണപ്പെട്ടത്. മണ്ണിടിഞ്ഞ ഭാഗത്ത് കൂടുതൽ നാശനഷ്ടമുണ്ടാകാതിരിക്കാൻ സൈന്യവും രംഗത്തുണ്ട്.
ഇതിനിടെ ഷിംലയിൽ മണ്ണിടിഞ്ഞതിനെ തുടർന്ന് ദേശീയ പാതയിലെ ഗതാഗതം തടസ്സപ്പെട്ടിരിക്കുകയാണ്. ഷിംലയിലെ രാംപൂർ മേഖലയിലെ ഝാഗ്രിയിലാണ് ദേശീയ പാതയിലേക്ക് മലയിടിഞ്ഞത്. കനത്ത മഴയാണ് ജമ്മുകശ്മീരിലും മറ്റ് ഹിമാലയൻ സംസ്ഥാനങ്ങളിലും അനുഭവപ്പെടുന്നത്.
ഹിമാചൽ പ്രദേശ്, ഉത്തരാഖണ്ഡ്, പഞ്ചാബ്, ഹരിയാന, ചണ്ഡീഗഡ്, ഡൽഹി, ഗുജറാത്ത്, മദ്ധ്യപ്രദേശ് മേഖലകളിൽ കനത്ത മഴയാണ് പെയ്യുന്നത്. മഹാരാഷ്‌ട്ര, ആന്ധ്ര, തെലങ്കാന, തമിഴ്‌നാട്, കേരളം, പുതുച്ചേരി, കാരയ്‌ക്കൽ എന്നീ തീരപ്രദേശങ്ങളിലും ശക്തമായ മഴ പെയ്യുമെന്നാണ് കാലാവസ്ഥാ വകുപ്പ് അറിയിക്കുന്നത്.
Comments