തിരുവനന്തപുരം :കേരള ജനതയ്‌ക്ക് രാമായണമാസം ആശംസിച്ച് ഓസ്‌കർ ജേതാവ് റസൂൽ പൂക്കുട്ടി. ഫേസ്ബുക്കിലൂടെയാണ് അദ്ദേഹം ആശംസകൾ നേർന്നത്. ഭഗവാൻ ശ്രീരാമന്റെ ഗുണങ്ങൾ വ്യക്തമാക്കുന്ന ചിത്രവും അദ്ദേഹം ആശംസയ്‌ക്കൊപ്പം പങ്കുവെച്ചിട്ടുണ്ട്.
എല്ലാവർക്കും രാമായണമാസം ആശംസിക്കുന്നു. ഭഗവാൻ ശ്രീരാമന്റെ ജീവിതം പകരുന്ന സന്ദേശങ്ങൾ വായിക്കുകയും, കേൾക്കുകയും, മനസ്സിലാക്കുകയും, ഉൾക്കൊള്ളുകയും ചെയ്യുന്ന നാളുകളാണ് ഇനിയുള്ളത്. എല്ലാവർക്കും ഒരിക്കൽ കൂടി സന്തോഷകരമായ രാമായണമാസ ജയന്തി ആശംസിക്കുന്നു. – റസൂൽ പൂക്കുട്ടി ഫേസ്ബുക്കിൽ കുറിച്ചു. ശനിയാഴ്ച മുതലാണ് രാമായണ മാസാരംഭം.
നടൻ മോഹൻലാലും രാമായണമാസ ആശംസകൾ നേർന്നിരുന്നു. ഈ മഹാമാരിക്കാലത്ത് ആശ്വാസവും, ആത്മവിശ്വാസവും പകരുന്നതാവട്ടെ രാമായണമാസം എന്നായിരുന്നു മോഹൻലാൽ ആശംസിച്ചത്. ആത്മജ്ഞാനത്തിന്റെ തിരികൊളുത്തി, അഹംഭാവത്തിന്റെ അന്ധകാരത്തെ മാറ്റാൻ കർക്കടകത്തിലെ രാമായണപാരായണത്തിലൂടെ സാധിക്കുന്നുവെന്നും അദ്ദേഹം ഫേസ്ബുക്കിൽ കുറിച്ചിട്ടുണ്ട്.
To all my friends and dear ones wishing you a Happy Ramayana Masam, days that we pray,read, understand and introspect the purity and beauty of the teaching from the life of “Ram”.Happy Ramayana Jayanthi.
Posted by Resul Pookutty on Friday, July 16, 2021
Comments