മലയാള സിനിമയിലെ മുന്‍ നിര നായികമാരില്‍ ഒരാളായിരുന്നു നടി ജലജ. ആ കാലത്തെ നായിക സങ്കല്‍പ്പങ്ങളില്‍ പുതിയ രീതികൊണ്ടുവന്ന നടി. 1978-ല്‍ പുറത്തിറങ്ങിയ അരവിന്ദന്റെ ‘തമ്പ്’ എന്ന ചിത്രത്തിലൂടെയാണ് താരം വെള്ളിത്തിരയില്‍ എത്തുന്നത്. പിന്നീടങ്ങോട്ട് ജലജയുടെ കാലമായിരുന്നു, ഒരുപാട് മികച്ച ചിത്രങ്ങളുടെ ഭാഗമായിരുന്നു ജലജ. ചെറുതും വലുതുമായ നിരവധി കഥാപാത്രങ്ങള്‍.
സിനിമയെ ഏറെ സ്‌നേഹിക്കുന്ന താരത്തിന്റെ കുടുംബവും സിനിമയെ ഒരുപാട് ഇഷ്ടപ്പെടുന്നവരാണ്. അമ്മയെ പോലെ ജലജയുടെ മകള്‍ അമ്മുവിനും മനസുനിറയെ സിനിമയും സിനിമ മോഹങ്ങളുമാണ്.അഭിനയ മേഖലയില്‍ നിന്നും വിട്ടു നിന്നെങ്കിലും സിനിമ ഇന്നും ഉളളില്‍ തന്നെ കൊണ്ടു നടക്കുന്ന താരം വര്‍ഷങ്ങള്‍ക്കു ശേഷം വീണ്ടും അഭിനയച്ചിരിക്കുകയാണ്. ഇപ്പോള്‍ ,മകളുടെ ആഗ്രഹത്തിനു തുടക്കം കുറിച്ചതിന്റെ സന്തോഷത്തിലാണ് ജലജ.
മാലിക് എന്ന ഫഹദ് ഫാസിലിന്റെ സൂപ്പര്‍ ഹിറ്റ് ചിത്രത്തില്‍ ജമീല ടീച്ചര്‍ എന്ന ശക്തമായ കഥാപാത്രമാവുമായാണ് ജലജ എത്തിയിരിക്കുന്നത്. കഥാപാത്രത്തിന് വളരെ മികച്ച അഭിപ്രായമാണ് ലഭിക്കുന്നത്. അമ്മയുടെ തിരിച്ചുവരവിനൊപ്പം മകളും സിനിമയില്‍ തുടക്കം കുറിച്ചിരിക്കുന്നു. ഇതില്‍ മറ്റൊരു പ്രത്യേകത ചിത്രത്തില്‍ ജലജയുടെ ചെറുപ്പകാലമാണ് നടിയുടെ മകള്‍ അമ്മു അവതരിപ്പിച്ചിരിക്കുന്നത്. ഇതൊരു മികച്ച തുടക്കമാണ് എന്നാണ് അമ്മയും മകളും പറയുന്നത്.
Comments