ശ്രീനഗർ : ജമ്മു കശ്മീരിന്റെ ചരിത്രത്തിൽ പുതിയ ഏടുകൾ എഴുതി ചേർത്ത് കേന്ദ്ര സർക്കാർ . ശ്രീനഗറിലെ ചരിത്ര പ്രസിദ്ധമായ ഹരി പ്രതാപ് കോട്ടയിൽ ദേശീയ പതാക സ്ഥാപിക്കാൻ സർക്കാർ തീരുമാനിച്ചു. 100 അടി ഉയരമുള്ള പതാകയാണ് കോട്ടയ്ക്ക് മുകളിലായ് പാറിക്കളിക്കുക.
2002 ലെ ഇന്ത്യൻ പതാക നിയമത്തിന്റെ അടിസ്ഥാനത്തിലാണ് പുതിയ നടപടി. ഫ്ളാഗ് ഫൗണ്ടേഷൻ ഓഫ് ഇന്ത്യയാണ് ഇതുമായി ബന്ധപ്പെട്ട നിർദ്ദേശം മുന്നോട്ടുവെച്ചത്. ഇത് സർക്കാർ അംഗീകരിക്കുകയായിരുന്നു. 100 അടിയുള്ള പതാക സ്ഥാപിക്കാനുള്ള നിർദ്ദേശവും ഫ്ളാഗ് ഫൗണ്ടേഷൻ ഇന്ത്യയുടേതാണ്. ഡിവിഷണൽ അഡ്മിനിസ്ട്രേഷന്റെയും,എയർപോർട്ട് അതോറിറ്റി ഓഫ് ഇന്ത്യ,പുരാവസ്തു, വനം, ടൂറിസം എന്നീ വകുപ്പുകളുടെ പിന്തുണയോടെയുമാണ് കോട്ടയിൽ പതാക സ്ഥാപിക്കുന്നത്.
അമിതാധികാരം എടുത്തു കളഞ്ഞതോടെയാണ് ജമ്മു കശ്മീരിൽ ത്രിവർണ പതാകയ്ക്ക് സ്ഥാനം ലഭിച്ചത്. ആർട്ടിക്കിൾ 370 റദ്ദാക്കിയതിന് ശേഷം പതാക നിയമവുമായി ബന്ധപ്പെട്ട നിർദ്ദേശങ്ങൾ ഡിവിഷണൽ കമ്മീഷണർ ഡെപ്യൂട്ടി കമ്മീഷണർമാർക്കും, വകുപ്പ് മേധാവിമാർക്കും നൽകിവരുന്നുണ്ട്.
