ന്യൂഡൽഹി: ആശുപത്രി പരിസരത്ത് ഫയർ സ്റ്റേഷൻ സ്ഥാപിക്കുന്ന ഇന്ത്യയിലെ ആദ്യത്തെ ആശുപത്രിയെന്ന് നേട്ടം ഡൽഹി എയിംസിന്. ആശുപത്രി ഡയറക്ടർ ഡോ.രൺദീപ് ഗുലേറിയാണ് ഇക്കാര്യം പറഞ്ഞത്.
ഏത് അടിയന്തര സാഹചര്യവും നേരിടാൻ ആശുപത്രിക്കുള്ളിൽ ഒരു ഫയർ സ്റ്റേഷൻ തുറക്കാൻ എയിംസ് ഡിഎഫ്എസുമായാണ് സഹകരിച്ചതെന്ന് ഡൽഹി ഫയർ സർവീസസ് ഡയറക്ടർ അതുൽ ഗാർഗ് പറഞ്ഞു. ഫയർ സ്റ്റേഷന്റെ അടിസ്ഥാന സൗകര്യങ്ങൾ എയിംസ് നൽകുമെങ്കിലും, നിയന്ത്രിക്കുന്നത് ഡിഎഫ്എസ് ആണെന്നും അദ്ദേഹം കുട്ടിച്ചേർത്തു.
3,280 അഗ്‌നിശമന സേനാംഗങ്ങളാണ് ഡിഎഫ്എസിൽ ഉളളത്. 61ഫയർ സ്റ്റേഷനുകളും 3,616 ജീവനക്കാരും ഉള്ള ഡിഎഫ്എസ് ഒരു വർഷത്തിൽ ശരാശരി 22,000 ഫയർ ആൻഡ് റെസ്‌ക്യൂ കോളുകളാണ് സ്വീകരിക്കുന്നതെന്നും അദ്ദേഹം പറഞ്ഞു.
