കൊറോണക്കാലത്ത് ആരോഗ്യ പ്രവര്‍ത്തകരുടെ നിരവധി വീഡിയോകള്‍ വൈറലായിട്ടുണ്ട്. ഇപ്പോഴിതാ വീണ്ടും അത്തരത്തിലുളള ഒരു വീഡിയോ ആണ് ആളുകള്‍ക്കിടയില്‍ ശ്രദ്ധിക്കപ്പെടുന്നത്. ഡ്യൂട്ടിക്കിടെ പിപിഇ കിറ്റ് ധരിച്ച് നൃത്തം ചെയ്ത് ഡോക്ടറും നഴ്സും.
മലപ്പുറം ജില്ലയില്‍ നിന്നുള്ളതാണ് വീഡിയോ. കൊണ്ടോട്ടി ഓമാനൂര്‍ കമ്മ്യൂണിറ്റി ഹെല്‍ത്ത് സെന്ററിലെ ഡോക്ടര്‍ അരുണിമയും നഴ്‌സായ തസ്‌നിയും ചേര്‍ന്നാണ് നൃത്തം ചെയ്യുന്നത്. പിപിഇ കിറ്റ് ധരിച്ച് ഓണപ്പാട്ടിന്റെ റീമിക്‌സ് പതിപ്പിനൊപ്പമാണ് ഇരുവരും നൃത്തം ചെയ്യുന്നത്. ഒഴികഴിവ് പറയാതെ ഓണനാളിലും കൊറോണ ഡ്യൂട്ടിക്കെത്തിയതാണ് ഡോക്ടര്‍ അരുണിമയും സ്റ്റാഫ് നഴ്സ് തസ്‌നിയും,എന്ന കുറിപ്പിനൊപ്പം കൊണ്ടോട്ടി എംഎല്‍എ ടിവി ഇബ്രാഹിമാണ് ഈ ഡാന്‍സ് വീഡിയോ ഫേസ്ബുക്കില്‍ പങ്കുവെച്ചത്. ഏത് സാഹചര്യത്തിലും ഉത്തരവാദിത്തം നിര്‍വഹിക്കുന്ന സേവന സമ്പന്നരായ ആരോഗ്യപ്രവര്‍ത്തകരുടെ പ്രതീകമാണിവരെന്നും ഇരുവരേയും അഭിനന്ദിച്ചുകൊണ്ട് അദ്ദേഹം കുറിച്ചു.
Comments