ലഖ്നൗ: കോൺഗ്രസിനെതിരെ ആഞ്ഞടിച്ച് ബിഎസ്പി അധ്യക്ഷ മായാവതി. ഉത്തർപ്രദേശ് നിയമസഭാ തെരഞ്ഞെടുപ്പിൽ സ്ഥാനാർഥികളെ നിർത്താൻ പോലും കഴിയാത്ത പാർട്ടിയായി കോൺഗ്രസ് മാറിയെന്ന് മായാവതി. രാജ്യത്ത് ഇപ്പോൾ കോൺഗ്രസിന്റെ അവസ്ഥ വളരെ പരിതാപകരമാണ്.
ദിവസക്കൂലി കൊടുത്താണ് കോൺഗ്രസ് ഇപ്പോൾ റാലികളിൽ ആളെ കൂട്ടുന്നത്. കോൺഗ്രസിനെ ജനങ്ങൾ കൈവിട്ടുവെന്നാണ് ഇതിൽ നിന്ന് മനസിലാകുന്നത്. ഉത്തർപ്രദേശിൽ അനുയാജ്യരായ സ്ഥാനാർഥികളെ കണ്ടെത്താൻ പോലും കഴിയാത്ത സ്ഥിതിയാണ് പാർട്ടിയുടേത്. അതുകൊണ്ട് തെരഞ്ഞെടുപ്പിൽ മത്സരിക്കാൻ സ്ഥാനാർഥികൾക്ക് കോൺഗ്രസ് പണം കൊടുക്കുകയാണ്. പണം വാങ്ങിച്ചാണ് കോൺഗ്രസ് രാജ്യസഭയിലേക്ക് ആളുകളെ കയറ്റിവിടുന്നതെന്നും മായാവതി വാർത്താസമ്മേളനത്തിൽ പറഞ്ഞു.
Comments