ന്യൂയോർക്ക്: യുഎസ് ഓപ്പണിൽ റഷ്യൻ താരം ഡാനിയൽ മെദ് വദേവിന് കിരീടനേട്ടം.ലോക ഒന്നാം നമ്പർതാരം ജോക്കോവിച്ചിനെ പരാജയപ്പെടുത്തിയാണ് മെദ് വദേവിന്റെ കിരീടനേട്ടം. ഇതോടെ ഈ വർഷം നാലാം ഗ്രാൻഡ്സ്ലാം എന്ന നെവാക് ജോക്കോവിച്ചിന്റെ സ്വപ്‌നമാണ് തകർന്നത്. ഡാനിയൽ മെദ് വദേവിന്റെ ആദ്യ യുഎസ് ഓപ്പൺ കിരീടമാണിത്.
ആർതർ ഐഷെ സ്റ്റേഡിയത്തിൽ നടന്ന ഫൈനൽ മത്സരത്തിൽ 6-4,6-4,6-4 എന്ന സ്‌കോറിലാണ് മെദ് വദേവ് ജോക്കോവിച്ചിനെ തകർത്തത്.
യുഎസ് ഓപ്പണിൽ തോൽവി ഏറ്റു വാങ്ങിയതോടെ ഏറ്റവും കൂടുതൽ ഗ്രാൻഡ്സ്ലാം നേടിയ പുരുഷ താരമെന്ന നേട്ടവും കലണ്ടർ സ്ലാം എന്ന നേട്ടവുമാണ് ജോക്കോവിച്ചിന് നഷ്ടപ്പെട്ടത്.
അതേ സമയം 2019ൽ റഫേൽ നദാലുമായുള്ള ഏറ്റുമുട്ടലിൽ കൈവിട്ട കിരീടം ഈ വർഷം മെദ് വദേവ് അനായാസം സ്വന്തമാക്കുകയായിരുന്നു.
