ന്യൂഡൽഹി: കൊറോണ പ്രതിരോധ കുത്തിവയ്പ്പിൽ മറ്റൊരു നേട്ടം സ്വന്തമാക്കി ഇന്ത്യ. ഒരു ദിവസത്തിൽ രണ്ടേകാൽ കോടിയിലധികം ഡോസുകൾ നൽകിയാണ് ഇന്ത്യ ലോകത്തെ ഞെട്ടിച്ചത്. പ്രധാനമന്ത്രി നരേന്ദ്രമോദിയുടെ ജന്മദിനത്തിൽ ആദ്യ ആറ് മണിക്കൂറിനുളളിൽ ഒരു കോടി കുത്തിവയ്പ്പുകൾ മറികടന്നിരുന്നു. വ്യാഴാഴ്ച രാത്രി 10 വരെ 2,43,39,487 ഡോസ് കുത്തിവയ്പ്പ് നടന്നു. 1,10,387 കേന്ദ്രങ്ങൾ വഴിയാണ് വാക്സിനേഷൻ നടത്തിയത്.
India has administered historic 2.25 crore #COVID19 vaccine doses until now – and we are still counting!#VaccineSeva https://t.co/mo45C3yIGp
— Mansukh Mandaviya (@mansukhmandviya) September 17, 2021
രാജ്യത്ത് ആദ്യമായാണ് ഒറ്റ ദിവസത്തിൽ ഒരു ലക്ഷത്തിലധികം കേന്ദ്രങ്ങളിൽ കുത്തിവയ്പ്പ് നടത്തുന്നത്. ഇതോടെ അകെ കുത്തിവയ്പ്പ് 79,21,45,550 ഡോസുകൾ ആയി. ഇതിൽ 59,50,52,904 ആദ്യ ഡോസും 19,70,92,646 രണ്ടാം ഡോസുമാണ്. ഉത്തർപ്രദേശ്(25,89,536),മഹാരാഷ്ട്ര(12,12,749),ഗുജറാത്ത്(21,63,537)മദ്ധ്യപ്രദേശ്(24,92,012),രാജസ്ഥാൻ(12,51,332), കർണാടക(27,80,032),ബീഹാർ(27,81,417)ആന്ധ്രപ്രദേശ്(10,52,885) എന്നീ സംസ്ഥാനങ്ങളാണ് കൂടുതൽ വാക്സിനേഷൻ നടത്തിയത്. റെക്കോർഡ് വാക്സിനേഷൻ നടത്തിയ ആരോഗ്യപ്രവർത്തകരെ പ്രധാനമന്ത്രി നരേന്ദ്ര മോദി അഭിനന്ദിച്ചു. കേന്ദ്ര ആരോഗ്യമന്ത്രി മൻസൂഖ് മാണ്ഡവ്യയും ആരോഗ്യപ്രവർത്തകരെ അഭിനന്ദിച്ച് ട്വീറ്റ് ചെയ്തു.
Comments