ലക്നൗ: ഉത്തർപ്രദേശിലെ 31 ജില്ലകൾ പൂർണ്ണ കൊറോണ മുക്തം. സംസ്ഥാന സർക്കാറാണ് ഇക്കാര്യം അറിയിച്ചത്.
അലിഗഡ്, അമ്രോഹ, ശ്യമരയ്യ, അയോധ്യ, അസംഗഡ്, ബല്ലിയ, ബന്ദ, ബസ്തി, ബഹ്റൈച്ച്, ഭഡോഹി, ബിജ്നോർ, ഇറ്റ, ഫറൂഖാബാദ്, ഗോണ്ട, ഹമിർപൂർ, ഹാപൂർ, ഹത്രാസ്, കാണ്പൂർ ദേഹത്ത്, കസ്ഗഞ്ച്, ഇൻ മഹോബ, മിർസാപൂർ, മൊറാദാബാദ്, മുസാഫർനഗർ, പിലിഭിത്, പ്രതാപ്ഗഡ്, രാംപൂർ, സഹരൻപൂർ, ഷംലി, ശ്രാവസ്തി, സുൽത്താൻപൂർ എന്നി ജില്ലകളിൽ ഇതുവരെ ഒരു കൊറോണ കേസുകൾ പോലും റിപ്പോർട്ട് ചെയ്തിട്ടില്ല.
സംസ്ഥാനത്ത് 1,82,742 സാമ്പിളുകൾ പരിശോധിച്ചതിൽ 17 പുതിയ കൊറോണ കേസുകൾ മാത്രമാണ് കഴിഞ്ഞ് 24 മണിക്കൂറിനിടയിൽ റിപ്പോർട്ട് ചെയ്തത്. സംസ്ഥാനത്ത് 194 കൊറോണ കേസുകളാണ് നിലവിൽ ഉളളത്. 0.01 ശതമാനത്തിൽ താഴെയാണ് പോസിറ്റിവിറ്റി നിരക്ക്.
സംസ്ഥാനത്ത് ഇതുവരെ 7.65 കോടിയിലധികം കൊറോണ ടെസ്റ്റുകൾ നടത്തിയിട്ടുണ്ട്. പ്രതിദിനം ശരാശരി 2.5 ലക്ഷം ടെസ്റ്റുകളാണ് നടത്തുന്നതെന്നും സംസ്ഥാന സർക്കാർ അറിയിച്ചു.
9.42 കോടി ആളുകളാണ് സംസ്ഥാനത്ത്് വാക്സിനേഷൻ സ്വീകരിച്ചത്.അതിൽ 1.66 കോടി ആളുകൾ രണ്ട് ഡോസ് വാക്സിനും സ്വീകരിച്ചവരാണ്. 18 വയസ്സിനു മുകളിൽ പ്രായമുള്ള 50 ശതമാനം പേർ ഒന്നാം ഡോസ് വാക്സിൻ സ്വീകരിച്ചതായും സർക്കാർ അറിയിച്ചു.
Comments