ലാ പാസ്: ബൊളീവിയയിൽ വിമാനാപകടത്തിൽ ആറുപേർ കൊല്ലപ്പെട്ടു. ബൊളീവിയൻ സൈനിക വിമാനമാണ് തകർന്നുവീണത്. ആമസോൺ മേഖലയിലെ അഗ്വാ ഡുലേസ് എന്ന പ്രദേശത്താണ് സൈനിക വിമാനം തകർന്നു വീണത്. ആരോഗ്യവകുപ്പിലെ ഉദ്യോഗസ്ഥ രുമായി യാത്രതിരിച്ച വിമാനമാണ് അപകടത്തിൽപ്പെട്ടത്. റിബറാൾട്ടയിൽ നിന്നും പറന്നുയർന്ന വിമാനമാണ് തകർന്നത്.
ഒരു മരത്തിലിടിച്ചശേഷമാണ് വിമാനം തകർന്നതെന്നാണ് പോലീസ് റിപ്പോർട്ട്. പറന്നുയർന്ന് ഏഴു മിനിറ്റിനകം തന്നെ അപകടം സംഭവിക്കുകയായിരുന്നു. വിമാനത്തിലുണ്ടായിരുന്ന
പൈലറ്റ് അടക്കം ആറു പേരും കൊല്ലപ്പെട്ടതായി കേണൽ ലൂയിസ് ക്യൂവെസ് സ്ഥിരീകരിച്ചു.
ബൊളീവിയൻ ആരോഗ്യവകുപ്പ് ഉദ്യോഗസ്ഥർ ഡെംഗു-ചിക്കുൻഗുനിയ പ്രതിരോധ പരിപാടിക്കായിട്ടാണ് പുറപ്പെട്ടത്. റിബറാൾട്ടയിൽ നിന്നും കോബിജയിലേക്കാണ് സംഘം പുറപ്പെട്ടത്. മലേറിയക്കെതിരെ രാജ്യത്തെ സുപ്രധാനമായ പ്രവർത്തനം നടക്കുന്നതിനി ടെയാണ് ഉന്നത ഉദ്യോഗസ്ഥർ കൊല്ലപ്പെട്ടതെന്ന് ദേശീയ ആരോഗ്യവകുപ്പ് അറിയിച്ചു.
Comments