ന്യൂഡൽഹി : ലോകകപ്പ് മത്സരത്തിൽ ഇന്ത്യയെ പരാജയപ്പെടുത്തിയതിന്റെ അമിത ആഹ്ലാദത്തിലാണ് പാകിസ്താനികൾ . എന്നാൽ അധികം സന്തോഷവും ബഹളവും വേണ്ടെന്നും ന്യൂസിലാൻഡ് മത്സരം റദ്ദാക്കാൻ ആവശ്യപ്പെടുമെന്നും വിമർശിച്ച് രംഗത്തെത്തിയിരിക്കുകയാണ് മുൻ പാക് താരം ഷോയിബ് അക്തർ.
എല്ലാ പാകിസ്താൻ ആരാധകരോടും മിണ്ടാതിരിക്കാനും അമിതമായി ആഹ്ലാദിക്കാതിരിക്കാനും ഞാൻ അഭ്യർത്ഥിക്കുന്നു. സ്റ്റേഡിയത്തിനകത്തെ അമിത ബഹളം കാരണം സുരക്ഷാ കാരണങ്ങൾ ചൂണ്ടിക്കാട്ടി മത്സരം റദ്ദാക്കാൻ ന്യൂസിലാൻഡ് ആവശ്യപ്പെടാനുള്ള എല്ലാ സാദ്ധ്യതകളും ഉണ്ട് - അക്തർ ട്വീറ്റ് ചെയ്തു.
ഇക്കഴിഞ്ഞ സെപ്റ്റബറിൽ ആദ്യ പോരാട്ടത്തിന് ഇറങ്ങാൻ നിമിഷങ്ങൾ മാത്രമുള്ളപ്പോഴാണ് പാകിസ്താൻ പര്യടനം ന്യൂസിലൻഡ് ക്രിക്കറ്റ് ടീം ഉപേക്ഷിച്ചത് . 18 വർഷത്തെ നീണ്ട ഇടവേളയ്ക്ക് ശേഷമാണ് ന്യൂസിലൻഡ് ടീം പാകിതാൻ പര്യടനത്തിന് എത്തിയത്.
ടീം പാകിസ്താനിൽ തുടരുന്നത് സുരക്ഷയ്ക്ക് ഭീഷണിയാണെന്നാണ് ന്യൂസിലൻഡ് ടീം പറഞ്ഞത് . പര്യടനത്തിൽ നിന്ന് പിൻമാറാനുള്ള തീരുമാനം പുനഃപരിശോധിക്കണമെന്ന് പാക് പ്രധാനമന്ത്രി ഇമ്രാൻ ഖാൻ ആവശ്യപ്പെട്ടിരുന്നു . ലോകത്തിലെ ഏറ്റവും മികച്ച സുരക്ഷാ ക്രമീകരണങ്ങൾ പാകിസ്താനിൽ ലഭിക്കുമെന്നും ഇമ്രാൻ പറഞ്ഞിരുന്നെങ്കിലും ന്യൂസിലൻഡ് സർക്കാർ ഈ വാഗ്ദാനം നിരസിക്കുകയായിരുന്നു.
Comments