ശ്രീനഗർ : ജമ്മു കശ്മീരിൽ മാതാ ശർദ ദേവീ ക്ഷേത്രത്തിന്റെ പുന:ർനിർമ്മാണം ആരംഭിച്ച് സേവ് ശാർദ്ദ കമ്മിറ്റി. പുതിയ ക്ഷേത്രത്തിന്റെ തറക്കല്ലിടൽ കർമ്മം നിർവ്വഹിച്ചു. കുപ്വാര ജില്ലയിലെ ടീറ്റ്വാളിലെ നിയന്ത്രണ രേഖയ്ക്ക് സമീപമാണ് പുതിയ ക്ഷേത്രം നിർമ്മിക്കുന്നത്.
സേവ് ശാർദ്ദ കമ്മിറ്റി അംഗം രവീന്ദർ റൈന പണ്ഡിതയാണ് ഇക്കാര്യം അറിയിച്ചത്. രാവിലെ 10 മണിയോടെയായിരുന്നു തറക്കല്ലിടൽ കർമ്മം.200 ഓളം പ്രദേശവാസികളായിരുന്നു ചടങ്ങിൽ പങ്കെടുത്തത്.
വർഷങ്ങളായി ആരാധനയില്ലാതെ അനാഥമായി കിടന്നിരുന്ന ക്ഷേത്രമാണ് ഇപ്പോൾ സേവ് ശാർദ്ദ കമ്മിറ്റി ഇടപെട്ട് പുന:ർനിർമ്മിക്കുന്നത്. ശ്രദ്ധിക്കാൻ ആളില്ലാതെ കിടന്നിരുന്ന ക്ഷേത്ര ഭൂമി അന്യാധീനപ്പെട്ടിരുന്നു. ഇത് തിരിച്ചു പിടിച്ചാണ് ടീറ്റ്വാളിൽ ക്ഷേത്രം വീണ്ടും നിർമ്മിക്കുന്നത്.
ശാർദ്ദ ഗ്രാമത്തിലെ നീലും നദിയ്ക്ക് സമീപമായാണ് ക്ഷേത്രം സ്ഥിതിചെയ്തിരുന്നത്. ഒരുകാലത്ത് പ്രധാന പഠനകേന്ദ്രം കൂടിയായിരുന്നു ഇവിടം. ദക്ഷിണേഷ്യയിലെ പവിത്രമായ 18 ക്ഷേത്രങ്ങളിൽ ഒന്നുകൂടിയാണ് ശാർദ്ദ ദേവീ ക്ഷേത്രം.
