മനാമ : ബഹ്‌റൈനിൽ ഉദ്ഘാടനം ചെയ്ത ജി സി സി യിലെ ഏറ്റവും വലിയ റോമൻ കത്തോലിക്കാ ദേവാലയമായ ഔർ ലേഡി അറേബ്യയ്‌ക്ക് ആശംസകൾ നേർന്ന് സംസ്‌കൃതി ബഹ്റൈൻ. എല്ലാ വിധ ആശംസകളും നേരുന്നതായി സംസ്‌കൃതി ബഹ്റൈൻ അദ്ധ്യക്ഷൻ പ്രവീൺ നായർ, ജനറൽ സെക്രട്ടറി റിതിൻ രാജ് എന്നിവർ അറിയിച്ചു. വെള്ളിയാഴ്ചയായിരുന്നു ദേവാലയം ഉദ്ഘാടനം ചെയ്തത്.
ബഹ്റൈൻ രാജാവ് ഹിസ് മജസ്റ്റി ഷെയ്ഖ് ഹമദ് ബിൻ ഈസ അൽ ഖലീഫ ദാനം ചെയ്ത ഭൂമിയിലാണ് ഔർ ലേഡി അറേബ്യ പണി കഴിപ്പിച്ചിരിക്കുന്നത്.
ഈ ക്രൈസ്തവ ദേവാലയം ബഹ്റൈനിന്റെ മത സൗഹാർദ്ദത്തിന് ഉത്തമ മാതൃകയാണെന്നും , ഇവിടെ ഉള്ള പ്രവാസികൾക്ക് അഭിമാനിക്കാൻ വക നൽകുന്നതുമാണെന്നും സംസ്‌കൃതി ഭാരവാഹികൾ അറിയിച്ചു.
