ദുബായ്: ഇസ്രായേൽ പ്രധാനമന്ത്രി നഫ്താലി ബെന്നറ്റിന്റെ യാത്രയുണ്ടാക്കുന്നത് അതിവേഗ മാറ്റങ്ങൾ. യു.എ.ഇ ആദ്യമായി സന്ദർശിക്കുന്ന ഇസ്രായേൽ പ്രധാനമന്ത്രി എന്ന ചരിത്രമുഹൂർത്തം അതിവേഗ തീരുമാനങ്ങളുടേതാക്കി മാതൃകയാവുകയാണ് നഫ്താലി ബന്നറ്റ്. ഇന്നലെ യു.എ.ഇയിലേത്തിയ ബെന്നറ്റ് അബുദബിയിലാണ് ഷെയ്ഖ് മുഹമ്മദ് ബിൻ സായിദ് ആൽ നഹ്യാനുമായി ആദ്യ കൂടിക്കാഴ്ച നടത്തിയത്.
പ്രതിരോധ രംഗത്തെ സുപ്രധാന സഹകരണത്തിനാണ് തുടക്കമിട്ടിരിക്കുന്നത്. ഇരുരാജ്യങ്ങളിലേയും ആയുധനിർമ്മാണ കമ്പനികൾ തമ്മിലാണ് കരാർ. സമുദ്ര സുരക്ഷയിൽ അത്യാധുനിക സൈനിക ഉപകരണങ്ങളാണ് ഇനി രൂപകൽപ്പന ചെയ്യുക.
ഇതിന് മുന്നോടിയായി അന്തർവാഹിനികളെ തകർക്കുന്ന ആളില്ലാതെ ബോട്ടുകൾ ഇസ്രായേൽ സഹകരണത്തോടെ രൂപകൽപ്പന ചെയ്യും. യു.എ.ഇ കേന്ദ്രമായ എമിറേറ്റ്‌സ് ഡിഫൻസ് കോൺഗ്ലോമെറേറ്റ് എഡ്ജ് എന്ന കമ്പനിയും ഇസ്രായേൽ എയ്‌റോ സ്‌പേസ് ഇൻഡസ്ട്രീസുമാണ് കരാർ ഒപ്പിട്ടത്.
