ബംഗളൂരു : മാംഗളൂരു വിമാനത്താവളം വഴി സ്വർണം കടത്താൻ ശ്രമിച്ച മലയാളി സ്ത്രീ പിടിയിൽ. കാസർകോട് തളങ്കര സ്വദേശിനിയാണ് പിടിയിലായത്. ഇവരുടെ പക്കൽ നിന്നും 739 ഗ്രാം സ്വർണം കസ്റ്റംസ് പിടികൂടി.
രഹസ്യഭാഗത്ത് ഒളിപ്പിച്ചാണ് ഇവർ സ്വർണം കടത്താൻ ശ്രമിച്ചത്. ചാര നിറത്തിലുള്ള കടലാസിൽ പൊതിഞ്ഞ് സ്വർണം രഹസ്യഭാഗത്ത് ഒളിപ്പിക്കുകയായിരുന്നു. ഇവരിൽ നിന്നും പിടച്ചെടുത്ത സ്വർണത്തിന് വിപണിയിൽ 35 ലക്ഷം രൂപ വിലവരുമെന്ന് അധികൃതർ അറിയിച്ചു. ദുബായിൽ നിന്നും എയർ ഇന്ത്യ വിമാനത്തിലാണ് ഇവർ എത്തിയത്. ഇവിടെ നിന്നും സ്വർണം കേരളത്തിലേക്ക് കടത്താനായിരുന്നു ശ്രമമെന്നാണ് വിവരം.
അതേസമയം കണ്ണൂർ വിമാനത്താവളം വഴി സ്വർണം കടത്താൻ ശ്രമിച്ച സംഭവത്തിൽ കഴിഞ്ഞ ദിവസം രണ്ട് കാസർകോട് സ്വദേശികളെ കസ്റ്റംസ് കസ്റ്റഡിയിൽ എടുത്തു. അബ്ദുൾ ഷംറൂദ്, മൊയ്തീൻകുഞ്ഞി എന്നിവരെയാണ് കസ്റ്റഡിയിൽ എടുത്തത്. ഷംറൂദിൽ നിന്നും 48 ലക്ഷം രൂപയുടേയും, മെയ്തീൻ കുഞ്ഞിയിൽ നിന്നും 37 ലക്ഷം രൂപയുടേയും സ്വർണമാണ് പിടികൂടിയത്.
Comments