പാലക്കാട് :ആർഎസ്എസ് പ്രവർത്തകൻ സഞ്ജിത്തിന്റെ കൊലപാതകത്തിൽ ഒരു പോപ്പുലർ ഫ്രണ്ടുകാരൻ കൂടി പിടിയിലായി.കൃത്യത്തിൽ നേരിട്ട് പങ്കെടുത്ത അത്തിക്കോട് സ്വദേശിയാണ് പിടിയിലായത്.ഒളിവിൽ കഴിയവേ ചെർപ്പുളശ്ശേരിയിൽ നിന്നുമാണ് ഇയാളെ പോലീസ് പിടികൂടിയത്.കേസിലെ മുഖ്യപ്രതി ആയതിനാൽ പേര് വിവരങ്ങൾ പോലീസ് പുറത്തു വിട്ടിട്ടില്ല.
ഇതോടെ കേസിൽ ആറു പേർ അറസ്റ്റിലായി.കൃത്യത്തിൽ നേരിട്ട് പങ്കെടുത്ത മൂന്നു പേരും പ്രതികൾക്ക് രക്ഷപെടാൻ അവസരമൊരുക്കിയ മൂന്നു പേരുമാണ് പിടിയിലായത്. കൊലപാതകത്തിൽ നേരിട്ട് പങ്കെടുത്ത 2 പേർ കൂടി ഇനി അറസ്റ്റിലാവാനുണ്ട്.സഞ്ജിത്തിനെ കൊലപ്പെടുത്താൻ ദീർഘ കാല ആസൂത്രണം ഉണ്ടായിരുന്നുവെന്ന് പാലക്കാട് എസ് പി, ആർ. വിശ്വനാഥ് വ്യക്തമാക്കി
കഴിഞ്ഞ നവംബർ 15 നാണ് ഭാര്യയ്ക്കൊപ്പം ബൈക്കിൽ സഞ്ചരിക്കവേ,ആർഎസ്എസ് തേനാരി മണ്ഡൽ ബൗദ്ധിക് പ്രമുഖയായിരുന്ന എലപ്പുള്ളി എടുപ്പുകുളം സ്വദേശി സഞ്ജിത്തിനെ പോപ്പുലർ ഫ്രണ്ടുകാർ കൊലപ്പെടുത്തിയത്.ഭാര്യയെ ബലമായി പിടിച്ചു വെച്ച ശേഷമാണ് പ്രതികൾ കൊലപാതകം നടത്തിയത്.
