ഡൽഹി: പെട്രോളിയം ഉൽപ്പന്നങ്ങളുടെ വിലപിടിച്ചു നിർത്തുന്നതിനായി ബജറ്റിൽ സുപ്രധാന പ്രഖ്യാപനം. ക്രൂഡ് ഓയിൽ ശുദ്ധീകരിക്കുന്നതിനായുള്ള അസംസ്‌കൃത വസ്തുകളുടെ കസ്റ്റംസ് നികുതി കുറയ്‌ക്കുമെന്ന് കേന്ദ്ര ബജറ്റ് അവതരിപ്പിച്ചുകൊണ്ട് നിർമല സീതാരാമൻ പറഞ്ഞു.
ധനകാര്യ മന്ത്രിയുടെ പ്രഖ്യാപനം നടപ്പിലായാൽ രാജ്യത്ത് പെട്രോളിയം ഉൽപ്പന്നങ്ങളുടെ വിലകുറയും. എണ്ണ ഉല്പാദക രാഷ്‌ട്രങ്ങളിൽ നിന്നും വാങ്ങുന്ന ക്രൂഡ് ഓയിൽ ശുദ്ധീകരിക്കുന്നതിനുള്ള ചിലവ് ഈ നടപടിയിലൂടെ കുറയുമെന്നതിനാൽ പെട്രോളിയം ഉൽപ്പന്നങ്ങളുടെ വിലകുറയ്‌ക്കാൻ ഇന്ത്യയിലെ എണ്ണ കമ്പനികൾക്ക് സാധിക്കും.
കേന്ദ്ര ബജറ്റിലെ ഈ പ്രഖ്യാപനം സാധാരണക്കാർക്ക് കൂടുതൽ ആശ്വാസം നൽകും. അന്താരാഷ്‌ട്ര വിപണിയിലെ വിലവർദ്ധനവിന് അനുസരിച്ച് രാജ്യത്തെ എണ്ണ വിലകുതിച്ചുയർന്നുകൊണ്ടിരുന്നപ്പോൾ പെട്രോളിയം ഉൽപ്പന്നങ്ങളുടെ തീരുവകൾ കുറച്ച് കേന്ദ്രസർക്കാർ ശക്തമായ ഇടപെട്ടു. ഇതിനെ തുടർന്ന് പെട്രോളിന്റെയും ഡീസലിന്റെയും വില രാജ്യത്ത് കുറഞ്ഞിരുന്നു. പെട്രോളിന് 5 രൂപയും ഡീസലിന് 10 രൂപയുമാണ് കുറച്ചത്.
Comments