വാഷിങ്ടണ്: സമ്പന്നരാജ്യമെന്നു പൊതുവെ വിലയിരുത്തുന്ന അമേരിക്കയുടെ ദേശീയകടത്തിന്റെ വ്യാപ്തിയറിഞ്ഞ് ഞെട്ടിയിരിക്കുകയാണ് സാമ്പത്തിക ലോകം. അമേരിക്കയുടെ ദേശീയകടം റെക്കോര്ഡ് ഉയര്ച്ചയിലേക്ക് കടന്നു. 30ട്രില്യണ് ഡോളറാണ് അമേരിക്കയുടെ നിലവിലെ കടം. യുഎസ് ട്രഷറി ഡിപ്പാര്ട്ടുമെന്റ് പ്രസിദ്ദീകരിച്ച ഡാറ്റയിലാണ് ഇക്കാര്യം വ്യക്തമാക്കുന്നത്. ജനുവരി 31ലെ കണക്കുപ്രകാര പൊതുകടം 30.1 ട്രില്യനാണ്. ഇത് കൊറോണ വ്യാപനത്തിനുമുന്പുളളതില് നിന്നും ഏഴുട്രില്യണ് അധികവര്ധനയാണ്.
അമേരിക്കയില് പൊതുകടം വര്ധിക്കാന് പലകാരണങ്ങള് പറയുന്നു. അതില് പ്രധാനം കൊറോണകാലത്ത് പണം കൂടുതല് ചെലവഴിക്കേണ്ടി വന്നു എന്നതിനാലാണ്. മറ്റൊരു കാരണം 2008ലെ സാമ്പത്തിക പ്രതിസന്ധിക്ക് ശേഷം കാര്യമായ ഉയര്ച്ച കൈവരിക്കാത്ത സാമ്പത്തികരംഗത്ത് കൊറോണയും വന്നതോടെ തകര്ച്ച പൂര്ണമായി.
ലോകസാമ്പത്തിക രംഗം മാന്ദ്യം നേരിട്ട 2007ല് അമേരിക്കയുടെ കടം 9.2 ട്രില്യണില് നില്ക്കുകയായിരന്നു. ഡൊണാള്ഡ് ട്രംപ് അധികാരമേറ്റെടുത്ത കാലത്ത് ദേശീയകടം 20 ട്രില്യണില് എത്തിച്ചേര്ന്നു. ബൈഡന്റെ ഭരണത്തില് കൊറോണ അതിജീവനത്തിനായി ബിസിനസ് സംരംഭകരെ സഹായിക്കാനും ജോലിയില്ലാത്തവരെയും അവരുടെ കുടുംബത്തെയും സഹായിക്കാനുമായി ട്രില്യണ് ഡോളറുകള് ചെലവഴിച്ചതും പൊതുകടംവര്ദ്ധിക്കാന് ഇടയാക്കി.
