അമൃത്‌സർ: താലിബാൻ ഭീകരർ അധികാരം പിടിച്ചെടുത്തതോടെ ദുരിതത്തിലായ അഫ്ഗാനിസ്ഥാൻ ജനതയ്‌ക്ക് സഹായ ഹസ്തവുമായി ഇന്ത്യ. അഫ്ഗാൻ ജനതയുടെ പട്ടിണിമാറ്റാൻ 2500 മെട്രിക് ടൺ ഗോതമ്പ് കേന്ദ്രസർക്കാർ കയറ്റി അയച്ചു.
അമൃത്‌സറിൽ നിന്ന് 50 തോളം ട്രക്കുകളിലാണ് അഫ്ഗാനിസ്ഥാനിലെ ജലാലാബാദിലേയ്‌ക്ക് ഗോതമ്പ് അയച്ചത്. കടുത്ത അരക്ഷിതാവസ്ഥയിൽ കഴിയുന്ന അഫ്ഗാൻ ജനതയ്‌ക്കായി 50,000 മെട്രിക് ടൺ ഗോതമ്പ് നൽകുമെന്ന് കേന്ദ്ര സർക്കാർ പ്രഖ്യാപിച്ചിരുന്നു. ഇതിന്റെ അടിസ്ഥാനത്തിൽ ആദ്യ ഘട്ടമായാണ് ഇന്ന് കയറ്റി അയച്ചത്.
ഗോതമ്പ് കയറ്റിയ വാഹനങ്ങളുടെ ഫ്‌ളാഗ് ഓഫ് കേന്ദ്ര വിദേശകാര്യ സെക്രട്ടറി ഹർഷ് വി ശ്രിംങ്‌ല നിർവ്വഹിച്ചു. അഫ്ഗാനിസ്ഥാന്റെ ഇന്ത്യയിലെ അംബാസിഡർ ഫരീദ് മാമൂണും പരിപാടിയിൽ പങ്കെടുത്തു. കടുത്ത ഭക്ഷ്യ ക്ഷാമം അനുഭവിക്കുന്ന അഫ്ഗാൻ ജനതയ്‌ക്ക് ഇന്ത്യനൽകിയ സഹായത്തിന് അംബാസിഡർ നന്ദി പറഞ്ഞു.
Comments