തിരുവനന്തപുരം : കോർപ്പറേഷൻ മേയർ ആര്യാ രാജേന്ദ്രന്റെ പേഴ്സണൽ അസിസ്റ്റന്റ് സ്ഥാനം ഒഴിഞ്ഞു. ആര്യാ രാജേന്ദ്രനുമായുള്ള അഭിപ്രായ ഭിന്നതകളെ തുടർന്നാണ് കാലാവധി പുതുക്കാതെ പിഎയായ ഉദ്യോഗസ്ഥൻ മാതൃവകുപ്പിലേക്ക് മടങ്ങിയത്. ഒരു വർഷമായിരുന്നു ഉദ്യോഗസ്ഥന്റെ ഡെപ്യൂട്ടേഷൻ കാലാവധി.
കോർപ്പറേഷൻ നടത്തിയ വീട്ടുകരം തട്ടിപ്പിൽ ബിജെപി ശക്തമായ സമരം നടത്തുമ്പോൾ പി.എ സ്ഥലത്തുണ്ടായിരുന്നില്ല. ഇതേ തുടർന്ന് പിഎയെ മാറ്റണമെന്ന് നേരത്തെ ആര്യാ രാജേന്ദ്രൻ ആവശ്യപ്പെട്ടിരുന്നു. പ്രതിപക്ഷ സമരം നടക്കുമ്പോൾ പിഎ ടൂറ് പോയെന്ന് ആരോപിച്ചായിരുന്നു മാറ്റാൻ ആവശ്യപ്പെട്ടത്. എന്നാൽ സർക്കാർ ഇതിന് വഴങ്ങിയില്ല.
ഇതിനിടെ പിഎ അംഗമായ സംഘടന ഇതിനെതിരെ രംഗത്ത് വന്നിരുന്നു. ഇതോടെ സ്ഥാനം ഒഴിയാൻ പിഎ തീരുമാനിക്കുകയായിരുന്നു.
Comments