മുംബൈ: നടിയും മുന് പങ്കാളിയുമായ റിയ പിള്ള നല്കിയ ഗാര്ഹിക പീഡന കേസില് ടെന്നീസ് താരം ലിയാണ്ടര് പെയ്സ് കുറ്റക്കാരനാണെന്ന് കോടതി. ജീവനാംശമായി പ്രതിമാസം ഒരു ലക്ഷം രൂപ, വീട്ടുവാടക ഇനത്തില് 50,000 രൂപ എന്നിവ റിയയ്ക്ക് നല്കണമെന്നും മെട്രോപൊളിറ്റന് മജിസ്ട്രേറ്റ് കോടതി ഉത്തരവിട്ടു. മകളുടെ വിദ്യാഭ്യാസ ചെലവിന്റെ ഒരു പങ്ക് വഹിക്കാനും നിര്ദ്ദേശമുണ്ട്. അതേസമയം ഇരുവരും ഒരുമിച്ച് താമസിക്കുന്ന വീട്ടില് തന്നെ റിയ താമസം തുടര്ന്നാല് സാമ്പത്തിക സഹായം ലഭിക്കില്ലെന്നും കോടതി വ്യക്തമാക്കിയിട്ടുണ്ട്.
റിയ 2014ല് നല്കിയ പരാതിയിലാണ് ഇപ്പോള് കോടതി ഉത്തരവ്. എട്ട് വര്ഷമായി വിവാഹത്തിന് തുല്യമായ ലിവിങ് ടുഗദര് ബന്ധത്തിലാണെന്നും പെയ്സും അദ്ദേഹത്തിന്റെ പിതാവും വാക്കുകൊണ്ടും പ്രവൃത്തി കൊണ്ടും പീഡിപ്പിക്കുകയാണെന്നും ആരോപിച്ചാണ് റിയ കോടതിയെ സമീപിച്ചത്. മറ്റ് സ്ത്രീകളുമായി പെയ്സിന് ബന്ധമുണ്ടെന്നും, മകളോടുള്ള കടമകള് നിറവേറ്റുന്നില്ലെന്നും ഹര്ജിയില് ആരോപിക്കുന്നു.
ഗാര്ഹിക പീഡനം നടന്നതായി തെളിഞ്ഞിട്ടുണ്ടെന്നും കോടതി പറഞ്ഞു. എന്നാല് ഇരുവരും ഒരുമിച്ച് താമസിക്കുകയാണെങ്കില് സാമ്പത്തിക സഹായം നല്കേണ്ടതില്ല. അതേസമയം മുന്കാല പ്രാബല്യത്തോടെ ജീവനാംശം നല്കണമെന്ന റിയയുടെ ആവശ്യം തള്ളി. എന്നാല് കരിയര് അവസാനിക്കാറായ സാഹചര്യത്തില് മറ്റൊരു വീട്ടിലേക്ക് മാറുകയും ജീവനാംശം കൊടുക്കുകയും ഒരുമിച്ച് ചെയ്യാന് പെയ്സിനോട് ആവശ്യപ്പെടാനാകില്ലെന്നും കോടതി പറയുന്നു.
Comments