ന്യൂഡൽഹി : രാജ്യത്ത് കൊറോണ പ്രതിദിന രോഗികളുടെ എണ്ണം താഴോട്ട്. പ്രതിദിന കേസുകൾ ആറായിരത്തിൽ താഴെയായി. കഴിഞ്ഞ 24 മണിക്കൂറിനിടെ 5,476 പേർക്ക് മാത്രമാണ് കൊറോണ സ്ഥിരീകരിച്ചത്. 158 മരണങ്ങളും റിപ്പോർട്ട് ചെയ്തു.
കഴിഞ്ഞ ദിവസം കൊറോണ ബാധിച്ച് ചികിത്സയിൽ കഴിഞ്ഞിരുന്ന 9,754 പേരുടെ പരിശോധനാ ഫലങ്ങൾ നെഗറ്റീവ് ആയി. നിലവിൽ 59442 പേരാണ് രോഗം ബാധിച്ച് രാജ്യത്ത് ചികിത്സയിൽ കഴിയുന്നത്. ആകെ കൊറോണ കേസുകളുടെ 0.14 ശതമാനമാണ് ഇത്. കഴിഞ്ഞ ദിവസം 158 മരണങ്ങൾ കൂടി റിപ്പോർട്ട് ചെയ്തതോടെ ആകെ മരണം 5,15,036 ആയി ഉയർന്നിട്ടുണ്ട്.
കൊറോണ വ്യാപനം ആരംഭിച്ച് ഇതുവരെ 4,23,88,475 പേരാണ് രോഗമുക്തി നേടിയത്. കഴിഞ്ഞ ദിവസം 26,19,778 പേർ പ്രതിരോധ വാക്സിൻ സ്വീകരിച്ചു. വാക്സിനേഷൻ യജ്ഞം ആരംഭിച്ച ശേഷം ഇതുവരെ 1,78,83,79,249 വാക്സിൻ ഡോസുകൾ വിതരണം ചെയതതായി കേന്ദ്രസർക്കാർ അറിയിച്ചു.
Comments