കുന്ദമംഗലം: കുന്നമംഗലം ഹയർസെക്കൻഡറി സ്കൂൾ വിദ്യാർത്ഥികളെ കേന്ദ്രീകരിച്ച് ലഹരി ഉപയോഗം വ്യാപകം. സ്കൂൾ സമയത്തും ക്ലാസ് കട്ട്ചെയ്തും വിദ്യാർത്ഥികൾ ലഹരി തേടി പോവുക പതിവായിരുന്നു. ഓൺലൈനിൽ ക്ലാസ് സമയത്തുപോലും കുട്ടികൾ ലഹരി തേടി സ്കൂൾ പരിസരത്ത് എത്തിരുന്നു. ഈ സാഹചര്യത്തിലാണ് രക്ഷിതാക്കളും അധ്യാപകരും വിവിധ രാഷ്ട്രീയവ്വകക്ഷികളും ലഹരിക്കെതിരെ യോഗം ചേർന്നത്.
ഗ്രാമപഞ്ചായത്ത് ഓഫീസിൽ റഹീം എംഎൽഎ യുടെ നേതൃത്വത്തിൽ നടന്ന സർവ്വകക്ഷി യോഗത്തിൽ കുട്ടികളുടെ ഇടയിലെ ലഹരി ഉപയോഗം തടയാൻ നടപടി സ്വീകരിക്കാൻ തീരുമാനമായി.
ഗ്രാമ പഞ്ചായത്ത് പരിധിയിലെ വിദ്യാലയങ്ങളിലെ പ്രൊട്ടക്ഷൻ ഗ്രൂപ്പ് സജീവമാക്കും, സ്കൂൾ പിടിഎ കമ്മറ്റികളുടെ നേതൃത്വത്തിൽ രക്ഷിതാക്കളുടെ യോഗം ചേർന്ന് ബോധവൽക്കരണം നടത്തും,, രണ്ട് ബസ് സ്റ്റാന്റുകളിലും പരിസരങ്ങളിലും നിരീക്ഷണം ശക്തമാക്കാനും, സ്കൂൾ വിടുന്ന സമയങ്ങളിൽ സ്റ്റാന്റുകളിൽ കൂടുതൽ പോലീസ് സാന്നിധ്യം ഉറപ്പാക്കാനും തീരുമാനിച്ചു.
പിടിഎ റഹിം എം എൽ എ യോഗം ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡണ്ട് ലിജി പുൽക്കുന്നുമ്മൽ, പോലീസ് സബ് ഇൻസ്പെക്റ്റർ എ അഷ്റഫ്, എക്സൈസ് പ്രിവന്റിവ് ഓഫീസർ പികെ ഹരീഷ് കുമാർ തുടങ്ങിയവർ സംബന്ധിച്ചു.
