‘അക്കളി തീക്കളി സൂക്ഷിച്ചോ’; ജാപ്പനീസ് വിഭവത്തിൽ ഫ്‌ളേംബേ പരീക്ഷിച്ച് മോഹൻലാൽ; വീഡിയോ പങ്കുവെച്ച് സുഹൃത്ത്

നടൻ മോഹൻലാലിന്റെ പാചകപരീക്ഷണങ്ങൾ മലയാളികൾക്ക് ഏറെ സുപരിചിതമാണ്. ലാലേട്ടൻ സ്‌പെഷ്യൽ കോഴിക്കറി തയ്യാറാക്കുന്ന വിധവും ശേഷം ഭാര്യ സുചിത്രയ്‌ക്ക് നൽകുകയും ചെയ്യുന്ന വീഡിയോ സമൂഹമാദ്ധ്യമങ്ങളിൽ തംരഗമായിരുന്നു. ഭക്ഷണപ്രിയനായ നടൻ മോഹൻലാലിന്റെ വിവിധ പാചക പരീക്ഷണങ്ങൾക്ക് സാക്ഷിയാവുകയും രുചിച്ച് നോക്കുകയും ചെയ്ത സഹതാരങ്ങൾ അവരുടെ അനുഭവങ്ങൾ പങ്കുവെക്കാറുമുണ്ട്.. അപ്പോഴാണ് ലാലേട്ടന്റെ പുതിയ വീഡിയോ വീണ്ടുമെത്തിയിരിക്കുന്നത്..

ഇത്തവണ നടൻ പരീക്ഷിച്ചത് തീക്കളിയാണ്. വിഭവത്തിലേക്ക് തീ പടർത്തിക്കൊണ്ടുള്ള പാചക രീതിയായ ഫ്‌ളേംബേയാണ് മോഹൻലാൽ പരീക്ഷിച്ചത്. സുഹൃത്ത് സമീർ ഹംസ പങ്കുവെച്ച വീഡിയോയിൽ ഷെഫും സമീറും ലാലേട്ടനും ചേർന്നാണ് പാചക പരീക്ഷണം.

ഫ്‌ളേംബേ ആരംഭിക്കുന്ന ഘട്ടത്തിലാണ് ലാലേട്ടൻ കൈവെച്ചത്. ഫ്‌ളേംബേ ചെയ്യുന്നതിന് വേണ്ടി ഓയിൽ പകർത്തുന്നത് സമീറാണ്. തീ പടർത്തുന്നത് ഷെഫും. ഇത് ‘ചിക്കിയെടുക്കുകയാണ്’ ലാലേട്ടൻ. ആളിപ്പടരുന്ന തീയിൽ ശകലം ആശങ്കയോടെ, കുസൃതിയൊപ്പിക്കുന്ന മോഹൻലാലിനെ വീഡിയോയിൽ കാണാം. ജാപ്പനീസ് ഭക്ഷണമാണെന്ന സൂചനയാണ് വീഡിയോ പങ്കുവെച്ച സമീർ നൽകുന്നത്. പത്ത് സെക്കൻഡ് മാത്രം ദൈർഘ്യമുള്ള വീഡിയോ ആരാധകർ ഏറ്റെടുത്തിരിക്കുകയാണ്.