ലക്‌നൗ: കാശി വിശ്വനാഥ ക്ഷേത്ര ഇടനാഴിയുടെ ഉദ്ഘാടനത്തിന് ശേഷം നഗരത്തിലേക്ക് എത്തുന്ന വിശ്വാസികളുടെയും വിനോദ സഞ്ചാരികളുടെയും എണ്ണത്തിൽ വൻ വർധനവുണ്ടായെന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. ഇപ്പോൾ രാജ്യത്തിന്റെ മാത്രമല്ല, ലോകമെമ്പാടുമുള്ള സഞ്ചാരികളുടെ കണ്ണുകൾ കാശിയിലേക്കാണെന്നും യോഗി ആദിത്യനാഥ് പറഞ്ഞു.
വികസന പ്രവർത്തനങ്ങൾ വിലയിരുത്തുന്നതിനായി വാരാണസിയിലെത്തിയപ്പോഴായിരുന്നു മുഖ്യമന്ത്രിയുടെ പരാമർശം. പ്രധാനമന്ത്രിയുടെ നിർദേശപ്രകാരം വാരാണസിയിൽ വികസന-നിർമാണ പ്രവർത്തനങ്ങൾ പുരോഗമിക്കുകയാണ്. കൂട്ടായ സഹകരണത്തിലൂടെ നിർദിഷ്ട സമയത്തിനുള്ളിൽ ഏറ്റവും മികച്ച രീതിയിൽ തന്നെ വികസന പ്രവർത്തനങ്ങൾ പൂർത്തിയാക്കണമെന്ന് ജില്ലാ ഭരണകൂടത്തോട് യോഗി ആവശ്യപ്പെട്ടു.
സംസ്ഥാനത്തിന്റെ വികസനം, സുരക്ഷ, ഭരണനിർവഹണം എന്നിവ ഉറപ്പുവരുത്തുന്നതിൽ അധികാരത്തുടർച്ചയിലും സർക്കാർ പ്രതിജ്ഞാബദ്ധരാണെന്ന് മുഖ്യമന്ത്രി വ്യക്തമാക്കി. സംസ്ഥാനത്തെ 15നും 17നും ഇടയിൽ പ്രായമുള്ള കുട്ടികളിൽ വാക്‌സിനേഷൻ വ്യാപകമാക്കുന്നതിനായി ക്യാമ്പയിൻ ആരംഭിക്കുമെന്നും അദ്ദേഹം അറിയിച്ചു.
Comments