ബെംഗളൂരു: പുതിയ അദ്ധ്യയന വർഷം മുതൽ വിദ്യാർത്ഥികളുടെ സന്മാർഗ പഠനത്തിന്റെ ഭാഗമായി ഭഗവത് ഗീതയും ഉൾപ്പെടുത്തുമെന്ന് കർണാടക വിദ്യാഭ്യാസ മന്ത്രി ബിസി നാഗേഷ് അറിയിച്ചു. നിലവിലെ സാഹചര്യത്തിൽ സന്മാർഗ പഠനം വളരെ പ്രസക്തമാണ്. രാമായണത്തിലെയും മഹാഭാരത്തിലെയും കഥകൾ വിദ്യാർത്ഥികളിൽ ധാർമിക ഗുണങ്ങൾ വളർത്തിയെടുക്കാൻ സഹായിക്കുമെന്നും അവ സിലബസിൽ ഉൾപ്പെടുത്തുമെന്നും വിദ്യാഭ്യാസമന്ത്രി വ്യക്തമാക്കി.
2023-24 അദ്ധ്യയന വർഷത്തിലെ സിലബസിലാണ് ഗീത ഉൾപ്പെടുത്തുകയെന്ന് വിദ്യാഭ്യാസമന്ത്രി വ്യക്തമാക്കി. അധികാരികൾ അംഗീകാരം നൽകിയാൽ പാഠ്യപദ്ധതിയിൽ ഭഗവത് ഗീത ഉൾപ്പെടുത്തുമെന്ന് നേരത്തെ തന്നെ കർണാടക വ്യക്തമാക്കിയിരുന്നു.
ഭഗവത് ഗീത ഹിന്ദുക്കൾക്ക് വേണ്ടി മാത്രമുള്ളതല്ല. അത് എല്ലാവർക്കും വേണ്ടിയുള്ളതാണ്. വിദഗ്ധർ പിന്തുണയ്‌ക്കുകയാണെങ്കിൽ സന്മാർഗ പഠനത്തിൽ ഉൾപ്പെടുത്തുമെന്ന് കഴിഞ്ഞ മാസമാണ് ബിസി നാഗേഷ് മാദ്ധ്യമങ്ങളെ അറിയിച്ചത്. സമാനമായി ഗുജറാത്തിലെ 6-12 ക്ലാസുകളിലും ഗീത പഠിപ്പിക്കാനുള്ള ഒരുക്കങ്ങൾ പൂർത്തിയായെന്നാണ് വിവരം.
Comments