അന്ന് പ്രമോഷനെത്തിയത് ഓട്ടോയിൽ , ഇന്ന് കെജിഎഫ് 2വിന്റെ പ്രൊമോഷൻ പ്രൈവറ്റ് ജെറ്റിൽ ; യഷിന്റെ വീഡിയോ

ലോകമെമ്പാടുമുള്ള ബോക്‌സ് ഓഫീസിൽ അമ്പരപ്പിക്കുന്ന പ്രതികരണത്തിന് തുടക്കം കുറിച്ച തന്റെ ഏറ്റവും പുതിയ റിലീസായ കെജിഎഫ് ചാപ്റ്റർ 2വിന്റെ വിജയത്തിളക്കത്തിലാണ് യഷ് . എക്കാലത്തെയും ഏറ്റവും കൂടുതൽ കളക്ഷൻ നേടിയ കന്നഡ ചിത്രമായ കെജിഎഫ് ചാപ്റ്റർ 1 ന്റെ തുടർച്ചയാണ് ഈ ചിത്രം.

കെജിഎഫ്’ എന്ന ഒറ്റച്ചിത്രത്തിലൂടെ ലോകമെമ്പാടുമുള്ള ആരാധകരെ കൂടെക്കൂട്ടിയ താരമാണ് യഷ്. ഒരു സാധാരണ കുടുംബത്തില്‍നിന്നു സൂപ്പര്‍താരത്തിലേക്കുളള അദ്ദേഹത്തിന്റെ ചുവടുവയ്പ് പെട്ടെന്നൊരു ദിവസം കൊണ്ടായിരുന്നില്ല.

ആ ജൈത്രയാത്രയിലെ പഴയൊരു വീഡിയോ ആണ് വൈറലായിരിക്കുന്നത് . 2009ൽ കല്ലാറ സന്തെ’ എന്ന ചിത്രത്തിൽ ഓട്ടോ ഡ്രൈവറായ സോമു എന്ന കഥാപാത്രമായാണ് യഷ് പ്രത്യക്ഷപ്പെട്ടത്. സ്വന്തം സിനിമ പ്രമോട്ട് ചെയ്യാൻ ഓട്ടോ ഡ്രൈവറായി മാറിയ യഷിനെ വീഡിയോയിൽ കാണാം. ചിത്രവുമായി ബന്ധപ്പെട്ട മത്സരത്തിലെ വിജയികളായിരുന്നു ഓട്ടോയിലെ യാത്രക്കാർ.

അന്ന് ഓട്ടോയിൽ പ്രമോഷൻ നടത്തിയ താരം ഇന്ന് പ്രൈവറ്റ് ജെറ്റിലാണ് ഇന്ത്യ മുഴുവൻ തന്റെ സിനിമ പ്രമോട്ട് ചെയ്യുന്നത് .കർണാടക ആർടിസിയിലെ ഡ്രൈവറായിരുന്നു തന്റെ അച്ഛൻ അരുണ്‍ കുമാറെന്ന് യഷ് പറഞ്ഞിട്ടുണ്ട്. താൻ മൈസൂർ സ്വദേശിയാണെന്നും ഹാസനിലാണ് ജനിച്ചതെന്നും താരം പറഞ്ഞിരുന്നു . കുട്ടിക്കാലത്തിന്റെ ഭൂരിഭാഗവും മൈസൂരിലാണ് ചെലവഴിച്ചത്. ഒരു ഇടത്തരം കുടുംബത്തിൽ നിന്നുള്ളയാളായിരുന്നു.

മകന്‍ സിനിമ നടനായിട്ടും തന്റെ ജോലി നിര്‍ത്താന്‍ അരുണ്‍ കുമാര്‍ തയാറായിരുന്നില്ല. അച്ഛന്‍ ആ ജോലി ഇഷ്ടപ്പെട്ടിരുന്നുവെന്നും അത് നിര്‍ത്താനായി താന്‍ നിര്‍ബന്ധിച്ചിട്ടില്ലെന്നും യഷ് പറയുന്നു.

Then:- Drived auto for his next movie pramotion
Now :- Entire India waiting for his next movie like a hell..! @TheNameIsYash #KGFChapter2 #YashBOSS #KGF2InCinemas pic.twitter.com/71VybHVNdy

— K Y C (@karthikyashcuIt) April 13, 2022