കൊല്ലം: എസ്ഡിപിഐ ആക്രമണത്തിൽ ബിജെപി പ്രവർത്തകന് പരിക്ക്. കൊല്ലം പോരുവഴി സ്വദേശി സുജിത്ത് പ്രഭാകരനാണ് പരിക്കേറ്റത്. ആർഎസ്എസ് പ്രവർത്തകനെ കൊലപ്പെടുത്തിയതിനെതിരെ സമൂഹമാദ്ധ്യമങ്ങളിലൂടെ പ്രതികരിച്ചതിൽ പ്രകോപിതരായാണ് അക്രമം നടത്തിയതെന്നാണ് വിവരം.
പാലക്കാട് ഏതാനും ദിവസങ്ങൾക്ക് മുമ്പാണ് ആർഎസ്എസ് മുൻ ശാരീരിക് ശിക്ഷൺ പ്രമുഖ് ശ്രീനിവാസിനെ പോപ്പുലർ ഫ്രണ്ട് ഭീകരർ പട്ടാപ്പകൽ വെട്ടിക്കൊലപ്പെടുത്തിയത്. കേസുമായി ബന്ധപ്പെട്ട് ചൊവ്വാഴ്ച മൂന്ന് പേരുടെ അറസ്റ്റ് കൂടി പോലീസ് രേഖപ്പെടുത്തിയിരുന്നു.
ശ്രീനിവാസിനെ കടയിൽ കയറി വെട്ടിയ പ്രതിയും വാഹനമോടിച്ച സംഘത്തിലെ പ്രതിയുമാണ് അറസ്റ്റിലായത്. ഇവരുടെ പേരുവിവരങ്ങൾ പോലീസ് പുറത്തുവിട്ടിട്ടില്ല. അതേസമയം ശ്രീനിവാസിന്റെ കൊലപാതകവുമായി ബന്ധപ്പെട്ട് പാലക്കാട്ടെ എസ്ഡിപിഐ ഓഫീസുകളിൽ പോലീസ് പരിശോധന നടത്തിയിരുന്നു. തൃത്താലയിലും പട്ടാമ്പിയിലും പരിശോധന നടത്തിയതിന് പിന്നാലെ പോപ്പുലർ ഫ്രണ്ട് പ്രവർത്തകരുടെ വീടുകളിലും പോലീസ് റെയ്ഡ് നടത്തി.
Comments