ഗ്യാസ് വാങ്ങുന്ന രാജ്യങ്ങളിൽ പകുതിയോളം പണം നൽകുന്നതിന് റൂബിൾ അക്കൗണ്ടുകൾ തുറന്നുവെന്ന് റഷ്യ

യുക്രെയ്‌നിൽ നടന്നുകൊണ്ടിരിക്കുന്ന യുദ്ധത്തിനിടയിൽ, ഗാസ്പ്രോം ഗ്യാസ് കമ്പനിയുടെ പകുതിയോളം ഉപഭോക്താക്കളും വിതരണത്തിനായി പണം നൽകുന്നതിന് റൂബിൾ അക്കൗണ്ടുകൾ തുറന്നുവെന്ന് റഷ്യൻ ഉപപ്രധാനമന്ത്രി അവകാശപ്പെട്ടു. ന്യൂ ഹൊറൈസൺസ് മാരത്തണിൽ ഒരു സമ്മേളനത്തെ അഭിസംബോധന ചെയ്തുകൊണ്ട് സംസാരിക്കുകയായിരുന്നു അലക്‌സാണ്ടർ നൊവാക് പറഞ്ഞു. റൂബിളിൽ ഗ്യാസ് അടയ്‌ക്കുന്നതിലേക്ക് മാറിയ വാങ്ങുന്നവരുടെ അന്തിമ പട്ടിക സമീപഭാവിയിൽ പുറത്തുവിടുമെന്ന് അദ്ദേഹം പറഞ്ഞു.

‘തങ്ങൾക്ക് ഗാസ്പ്രോം എക്സ്പോർട്ടുമായി കരാറുള്ള 54 കമ്പനികളുണ്ട്, വലുതും ഇടത്തരവും ചെറുതുമായ കമ്പനികൾ ഇതിലുണ്ട്. ഇതിൽ പകുതിയോളം തങ്ങളുടെ അംഗീകൃത ബാങ്കിൽ പ്രത്യേക കറൻസി അക്കൗണ്ടുകൾ ഇതിനകം തുറന്നിട്ടുണ്ട്,’ അദ്ദേഹം പറഞ്ഞതായി ടാസ് വാർത്താ ഏജൻസി റിപ്പോർട്ട് ചെയ്തു. റൂബിളിൽ ഗ്യാസിന് പണം നൽകാൻ സമ്മതിച്ച വാങ്ങുന്നവരുടെയും പണം നൽകാൻ വിസമ്മതിച്ചവരുടെയും പൂർണ്ണമായ ലിസ്റ്റ് വരും ദിവസങ്ങളിൽ പരസ്യമാക്കുമെന്ന് റഷ്യൻ ഉപപ്രധാനമന്ത്രി പറഞ്ഞു. നോവാക്കിന്റെ അഭിപ്രായത്തിൽ, ഗ്യാസിനുള്ള റൂബിൾ പേയ്മെന്റ് അവതരിപ്പിക്കുന്നത് കയറ്റുമതി വരുമാനം നിലനിർത്താൻ ആവശ്യമായ ഒരു നിർബന്ധിത നീക്കമാണ്.