ബംഗളൂരു വിമാനത്താവളത്തിന് നേരെ ബോംബ് ഭീഷണി; സുരക്ഷ കർശനമാക്കി സിഐഎസ്എഫ്

ബംഗളൂരു : ബംഗളൂരുവിലെ കെംപെഗൗഡ അന്താരാഷ്‌ട്ര വിമാനത്താവളത്തിന് നേരെ ബോംബ് ഭീഷണി. ഇന്ന് രാവിലെയാണ് കൺട്രോൾ റൂമിലേക്ക് ഭീഷണി കോൾ വന്നത്. കൺട്രോൾ റൂമിലേക്ക് വിളിച്ച അജ്ഞാതൻ ബോബ് ഭീഷണിയുണ്ടെന്ന് വെളിപ്പെടുത്തുകയായിരുന്നു.

ഈ സാഹചര്യത്തിൽ വിമാനത്താവളത്തിൽ സുരക്ഷ ശക്തമാക്കിയിരിക്കുകയാണ്. സിഐഎസ്എഫും ബോർഡർ സെക്യൂരിറ്റി ഫോഴ്‌സും ഡോഗ് സ്‌ക്വാഡും വ്യാപക പരിശോധന നടത്തുന്നുണ്ട്. കോൾ വന്നത് കേന്ദ്രീകരിച്ചും അന്വേഷണം നടക്കുന്നുണ്ട്.