ബാങ്ക് മാനേജരെ കൊലപ്പെടുത്തിയ ലഷ്‌കർ ഭീകരനെ വധിച്ച് സൈന്യം

കശ്മീർ: ബാങ്ക് മാനേജരെ കൊലപ്പെടുത്തിയ ഭീകരനെ സൈന്യം വധിച്ചു. ലഷ്‌കർ ഇ ത്വയ്ബ ഭീകരനായ ജാൻ മുഹമ്മദ് ലോണിനേയും കൂട്ടാളിയേയുമാണ് സുരക്ഷാസേന വധിച്ചത്. ഷോപ്പിയാനിൽ നടന്ന ഏറ്റുമുട്ടലിലാണ് രണ്ട് ഭീകരരെ കൊലപ്പെടുത്തിയത്. ജമ്മു കശ്മീർ പോലീസും സൈന്യവും സംയുക്തമായി നടത്തിയ തിരച്ചിലിനൊടുവിലാണ് ഭീകരരുമായി ഏറ്റുമുട്ടലുണ്ടായത്.

കുൽഗാം ജില്ലയിലെ ബാങ്ക് മാനേജരായിരുന്ന വിജയ് കുമാറിനെ കൊലപ്പെടുത്തിയ ഭീകരനാണ് കൊല്ലപ്പെട്ട ജാൻ മുഹമ്മദ് ലോൺ എന്ന് പോലീസ് വ്യക്തമാക്കി. കുൽഗാമിൽ ജോലിയിൽ പ്രവേശിച്ചതിന് തൊട്ടുപിന്നാലെ ഈ മാസം രണ്ടാം തിയതിയാണ് വിജയ് കുമാർ കൊല്ലപ്പെടുന്നത്. ലഷ്‌കർ ഭീകരൻ ബാങ്കിൽ കയറി വെടിയുതിർക്കുന്നതിന്റെ സിസിടിവി ദൃശ്യങ്ങളും നേരത്തെ പുറത്ത് വന്നിരുന്നു.

#ShopianEncounterUpdate: One of the killed #terrorists has been identified as Jan Mohd Lone of #Shopian. Besides other #terror crimes, he was involved in recent killing of Vijay Kumar, Bank manager on 2/6/22 in #Kulgam district: IGP Kashmir@JmuKmrPolice https://t.co/ltyIDWSGQj

— Kashmir Zone Police (@KashmirPolice) June 14, 2022