ന്യൂഡല്ഹി: അഗ്നിപഥിന്റെ പേരിലുള്ള ആഭ്യന്തര കലഹം നിര്ത്താന് ആഹ്വാനം ചെയ്ത് കേന്ദ്ര റെയില് മന്ത്രി അശ്വിനി വൈഷ്ണവ്.റെയില്വേ നിങ്ങളുടെയും സ്വത്താണെന്നും നശിപ്പിക്കരുതെന്നും പ്രതിഷേധക്കാരോട് പറഞ്ഞു. ട്രെയിനുകള്
കത്തിക്കുന്നതും റെയില്വേ സ്റ്റേഷനുകളില് കോലാഹലം സൃഷ്ടിക്കുന്നതും സമൂഹികവിരുദ്ധതയാണ്. പ്രക്ഷോഭങ്ങള് അവസാനിപ്പിച്ച് ശരിയായ വഴിയിലൂടെ അധികാരികളെ പരാതിയറിയിക്കാനും റെയില്വേ വക്താവ് അമിതാഭ് ശര്മ അറിയിച്ചു.
നികുതിദായകരായ നിങ്ങള് ഓരോരുത്തരുടെയും നികുതി പിരിച്ചെടുത്ത് നിര്മ്മിച്ചവ തന്നെയാണ് നിങ്ങള് നശിപ്പിച്ചു കൊണ്ടിരിക്കുന്നത്. വിവിധ ആവശ്യങ്ങള്ക്കായി യാത്ര ചെയുന്നവര് ട്രയിനില് ഉണ്ട്. ചികിത്സയ്ക്കായി പോകുന്നവര്, പരീക്ഷയ്ക്കായി യാത്ര ചെയ്യുന്നവര് തുടങ്ങിയവര് ഇതില് ഉള്പ്പെടുന്നു. ബുദ്ധിമുട്ട് ഉണ്ടാക്കുന്ന തരത്തില് പ്രതിഷേധം നത്താതെ അധികാരികളെ സമീപിക്കാന് ഉദ്യോഗസ്ഥന് അറിയിച്ചു.
കണ്ട്രോള് റൂമുകളും സഹായങ്ങളും യാത്രക്കാര്ക്ക് വേണ്ടി ആരംഭിച്ചെന്നും മന്ത്രാലയം വ്യക്തമാക്കി. പിടിച്ചിട്ടിരിക്കുന്ന ട്രെയിനിലെ യാത്രക്കാര്ക്ക് ആഹാരവും വെള്ളവും സജ്ജീകരിച്ചിട്ടുണ്ട്. 35 ട്രെയിനുകള് റദ്ദാക്കിയെന്നും ശര്മ വ്യക്തമാക്കി.
