ന്യൂഡൽഹി: എൻഡിഎയുടെ രാഷ്ട്രപതി സ്ഥാനാർത്ഥി ദ്രൗപതി മുർമു ഡൽഹിയിലെത്തി പ്രധാനമന്ത്രിയുമായി കൂടിക്കാഴ്ച നടത്തി. നാമനിർദ്ദേശ പത്രിക നാളെ സമർപ്പിക്കുന്നതിന് മുന്നോടിയായിട്ടാണ് മുർമു രാജ്യ തലസ്ഥാനത്ത് എത്തിയത്. എൻഡിഎയുടെ മുതിർന്ന നേതാക്കളെ മുർമു ഇന്നു കാണാൻ തീരുമാനിച്ചതായും ബിജെപി വൃത്തങ്ങൾ അറിയിച്ചു.
നാമനിർദ്ദേശപ്രത്രികയുമായി ബന്ധപ്പെട്ട കാര്യങ്ങൾ കേന്ദ്ര പാർലമെന്ററി കാര്യമന്ത്രി പ്രൾഹാദ് ജോഷിയുടെ ഔദ്യോഗിക വസതിയിൽ വെച്ച് തയ്യാറാക്കുമെന്നാണ് ബിജെപി നേതൃത്വം അറിയിച്ചിരിക്കുന്നത്. നാമനിർദ്ദേശപത്രിക സമർപ്പിക്കും മുന്നേ ഇന്നു തന്നെ പാർട്ടി അദ്ധ്യക്ഷൻ ജെ.പി.നദ്ദ, പ്രതിരോധ മന്ത്രി രാജ്നാഥ് സിംഗ്, ആഭ്യന്തര മന്ത്രി അമിത് ഷാ എന്നിവരുമായി മുർമു ഇന്നുതന്നെ കൂടിക്കാഴ്ച നടത്തുമെന്നാണ് സൂചന.
നാമനിർദ്ദേശ പത്രികയിൽ നിർദ്ദേശകരെയും പിന്തുങ്ങുന്നവരെയും ഉൾപ്പെടെ തീരുമാനിച്ചു കഴിഞ്ഞു. ബിജു ജനതാദളിന്റെ സസ്മിത് പാത്രയാണ് നാമനിർദ്ദേശത്തെ പിന്താങ്ങുന്നത്. ന്യൂഡൽഹിയിലെത്തിയ ദ്രൗപതി മുർമു ഒഡീഷ ഭവനിലാണ് ഇന്ന് താമസിക്കുന്നത്.
Comments